తెలంగాణపై సంకేతాలు ఉన్నాయి: పిసిసి చీఫ్ బొత్స

By Srinivas

Published: Sunday, October 23, 2011, 14:19 [IST]

న్యూఢిల్లీ: తెలంగాణ సమస్య త్వరలో శాశ్వతంగా పరిష్కారమవుతుందని ఆ దిశలో తమకు సంకేతాలు ఉన్నాయని ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ ఆదివారం న్యూఢిల్లీలో అన్నారు. పార్లమెంటు శీతాకాల సమావేశాలలోగా లేదా రెండు మూడు రోజులు అటూ ఇటుగా సమస్యకు పరిష్కారం లభిస్తుందని ఆయన ఆశాభావం వ్యక్తం చేశారు. కేంద్రం సమస్య పరిష్కారానికి చిత్తశుద్ధితో కృషి చేస్తున్నందున ఉద్యోగులు సకల జనుల సమ్మెను విరమించుకోవాలని విజ్ఞప్తి చేశారు. భవిష్యత్తులో ఇలాంటి పరిస్థితులు రాకుండా చూసుకుంటామన్నారు. తమిళనాడు ముఖ్యమంత్రిగా వెళ్లిన కొణిజేటి రోశయ్య రాజీనామాతో ఖాళీ ఆయిన ఎమ్మెల్సీ స్థానానికి కాంగ్రెసు సోమవారం నామినేషన్ దాఖలు చేస్తామని చెప్పారు.

తెలుగుదేశం పార్టీ నేతలతో మంత్రి టిజి వెంకటేష్ నిర్వహించిన రాయలసీమ సదస్సుపై వివరణ కోరతానని చెప్పారు. తెలంగాణ విషయంలో అన్ని ప్రాంతాలకు అనుకూలమైన నిర్ణయం వస్తుందని ఆయన అన్నారు. అంతకుముందు ఆయన కేంద్ర మంత్రి, రాష్ట్ర వ్యవహారాల ఇంచార్జ్ గులాం ఆజాద్‌తో భేటీ అయ్యారు. ఎమ్మెల్సీ స్థానం, రాష్ట్రంలోని తాజా పరిస్థితులపై ఆయన ఆజాదుతో చర్చించారు.

Published On October 23, 2011