సంక్రాంతి లోపు జగన్ జైలుకెళ్లడం ఖాయం: దేవినేని

విజయవాడ/హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి సంక్రాంతి లోపు జైలుకెళ్లడం ఖాయమని కృష్ణా జిల్లా తెలుగుదేశం పార్టీ అధ్యక్షుడు, ఎమ్మెల్యే దేవినేని ఉమా మహేశ్వర రావు ఆదివారం అన్నారు. జగన్ తన తండ్రి హయాంలో అక్రమ సంపాదనతో రాజభవనం నిర్మించుకున్నారన్నారు. ఇప్పుడు మాత్రం పేదలపై ఆయన మొసలి కన్నీరు కారుస్తున్నారని విమర్శఇంచారు. జగన్ నిర్మించుకున్న లోటస్ పాండ్, బెంగళూరు భవనాలను చిత్రీకరించిన వీడియోలని సిబిఐ ప్రజలకు చూపించాలన్నారు. జగన్ సంపాదన ప్రభుత్వం స్వాధీనం చేసుకునే వరకు తెలుగుదేశం పార్టీ ఉద్యమిస్తుందన్నారు.

ఎమ్మార్ ప్రాపర్టీస్‌లో అసలు దోషి దివంగత ముఖ్యమంత్రి వైయస్ రాజశేఖర రెడ్డి, అతని మంత్రి వర్గమేనని సీనియర్ ఎమ్మెల్యే పయ్యావుల కేశవ్ ఆరోపించారు. స్టైలిష్ హోం వైయస్ ఆలోచన అన్నారు. కోనేరు ప్రసాద్‌తో తమ పార్టీ అధినేత చీఫ్ చంద్రబాబు నాయుడుకు సంబంధాలు ఉన్నాయంటూ విష ప్రచారం చేస్తున్నారన్నారు. ఆయనతో వైయస్ కుటుంబానికి మూడు తరాల బంధముందన్నారు. ఎమ్మార్ విషయంలో టిడిపి పారదర్సకంగా వ్యవహరించిందన్నారు. కోనేరు ప్రసాద్‌ను రంగంలోకి దింపి స్టైలిష్ హోంకు అగ్రిమెంట్ చేసింది వైయస్ రాజశేఖర రెడ్డియే అన్నారు.

English summary

TDP MLA Devineni Uma Maheshwar Rao accused that YSRC Party president YS Jaganmohan Reddy will sentnced before sankranthi.