కెసిఆర్‌ను జగన్‌తో పోల్చిన టిడిపి నేత మోత్కుపల్లి

By Srinivas

Published: Sunday, October 23, 2011, 14:50 [IST]

హైదరాబాద్: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి కంటే పెద్ద అవినీతిపరుడని తెలుగుదేశం పార్టీ సీనియర్ శాసనసభ్యుడు మోత్కుపల్లి నర్సింహులు ఆదివారం ధ్వజమెత్తారు. తెలుగుదేశం పార్టీ కార్యాలయం ఎన్టీఆర్ ట్రస్టు భవనంలో ఎర్రబెల్లి దయాకర్ రావు, మోత్కుపల్లి విలేకరుల సమావేశంలో మాట్లాడారు. ఈ సందర్భంగా వారు కెసిఆర్‌పై తీవ్రస్థాయిలో ధ్వజమెత్తారు. తెలంగాణ పేరుతో కెసిఆర్ ప్రజలను దోచుకు తింటున్నారన్నారు. పోలవరం టెండర్లపై ఎక్కడైనా చర్చలకు తాము సిద్ధంగా ఉన్నామన్నారు.

ష్యూ కంపెనీకి పోలవరం టెండర్లు ఢిల్లీ నేతలు చెబితే చేశారా లేక సమ్మె ఆపేసేందుకు ముఖ్యమంత్రి కిరణ్ కుమార్ రెడ్డియే బహుమతిగా ఇచ్చారా చెప్పాలన్నారు. రాష్ట్రంలో ముఖ్యమంత్రిని ఎవరైనా గుర్తిస్తున్నారా అని ప్రశ్నించారు. పులిచింతల, పోతిరెడ్డిపాడు ప్రాజెక్టులు తెలంగాణ రాష్ట్ర సమితి మంత్రివర్గంలో ఉండగానే ప్రారంభమయ్యాయయన్నారు. కెసిఆర్ తన వ్యాపారం పెంచుకోవడానికి ప్రజలను బలి చేస్తున్నారన్నారు. స్పీకరు ముందు పోలవరం టెండరు ఫైలు పెడితే అక్రమాలు తేల్చడానికి సిద్ధమన్నారు.

Published On October 23, 2011