త్వరలో తెలంగాణపై నిర్ణయం వస్తుంది: చిదంబరం

By Pratap

Published: Monday, October 31, 2011, 15:37 [IST]

న్యూఢిల్లీ: తెలంగాణపై త్వరలో నిర్ణయం తీసుకునే అవకాశం ఉందని కేంద్ర హోం మంత్రి పి. చిదంబరం చెప్పారు. ఆయన సోమవారం మీడియా ప్రతినిధుల సమావేశంలో మాట్లాడారు. తెలంగాణపై నిర్ణయం తీసుకునే దిశగా చర్చలు సాగుతున్నాయని ఆయన అన్నారు. దీపావళి, ఈద్ తర్వాత తెలంగాణపై నిర్ణయం తీసుకుంటామని కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ చెప్పిన విషయాన్ని ఆయన గుర్తు చేశారు. తెలంగాణపై నిర్ణయం వస్తుందని ఆశిస్తున్నట్లు ఆయన తెలిపారు. తెలంగాణ అంశం తన పరిధిలో లేదని ఎఐసిసి కార్యదర్శి కృష్ణమూర్తి విడిగా మీడియా ప్రతినిధులతో అన్నారు. పార్టీని వీడాలని చూసే శాసనసభ్యులను డీల్ చేస్తామని ఆయన చెప్పారు.

కాశ్మీర్ సమస్యను సైన్యం ఒక్కటే పరిష్కారం చేయలేదని చిదంబరం మీడియా సమావేశంలో అన్నారు. 2జి స్పెక్ట్రమ్‌పై పిఎసి సమావేశం రద్దయిన విషయంపై వ్యాఖ్యానించలేనని ఆయన అన్నారు. ఉద్రిక్త ప్రాంతాలకు మరిన్ని బలగాలను పంపుతామని ఆయన అన్నారు. పోలీసు వ్యవస్థను ప్రక్షాళన చేస్తామని ఆయన చెప్పారు.

Published On October 31, 2011