కెసిఆర్‌కు అప్పటి దాకా తెలంగాణ వద్దా?: బాపూజీ

By Srinivas

Published: Monday, October 31, 2011, 13:39 [IST]

న్యూఢిల్లీ: 2014లో మెజార్టీ సీట్లు సాధించి ప్రత్యేక రాష్ట్రం తెచ్చుకుంటామని చెబుతున్నారంటే అప్పటి వరకు తెలంగాణ అవసరం లేదని అర్థమా? అని ప్రముఖ స్వతంత్ర సమర యోధుడు కొండా లక్ష్మణ్ బాపూజీ ఆదివారం తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావును ఉద్దేశించి పరోక్షంగా ప్రశ్నించారు. ఓట్లు, సీట్లు, నోట్ల ప్రక్రియ ఉన్నంత కాలం తెలంగాణ అసాధ్యమన్నారు. తీయటి మాటలతో ప్రజలను మోసగించడం సరికాదని ఆయన అన్నారు. ఏదో ఒక పార్టీ కార్యాచరణ ప్రకటించి అమలు చేయకపోతే దాడులు చేయడం ఎంత వరకు సమంజసమన్నారు. తెలంగాణ కోసం నిర్ధిష్ట కాలపరిమితి చెప్పలేమన్న కేంద్ర మంత్రి గులాం నబీ ఆజాద్ వ్యాఖ్యలను ఆయన ఖండించారు.

తాను న్యూఢిల్లీలో నవంబర్ 1వ తేది నుండి వారం రోజుల పాటు దీక్ష చేస్తానని చెప్పారు.య ఈ దీక్షకు తాము ఎవరి మద్దతు కోరలేదని పార్టీలో స్వచ్చంధంగా మద్దతు ప్రకటిస్తున్నాయన్నారు. చిత్తశుద్ధితో తెలంగాణ కోరుకునే ప్రతి ఒక్కరూ తమకు మద్దతు పలకాలన్నారు. నాయకులు వ్యక్తిగత రాజకీయ ప్రయోజనాలు పక్కిన పెట్టి రాజకీయాల స్థాయి పెంచాలన్నారు. తాను తొంబైయేడేళ్ల వయసులో తాను ధైర్యం, నిజాయితి అంశాల్లో తప్ప శారీరకంగా, ఆర్థికంగా బలహీనంగా ఉన్నామన్నారు. ఎమ్మెల్యే జైపాల్ యాదవ్ ఈ సమావేశంలో పాల్గొన్నారు.

Published On October 31, 2011