ఎస్సార్సీ మా విధానం: కొత్త రాష్ట్రాలపై దిగ్విజయ్

న్యూఢిల్లీ: కొత్త రాష్ట్రాల ఏర్పాటుపై రాష్ట్రాల పునర్వ్యస్థీకరణ కమిషన్‌ (ఎస్సార్సీ) వేయాలనేదే తమ పార్టీ విధానమని కాంగ్రెసు ప్రధాన కార్యదర్శి దిగ్విజయ్ సింగ్ స్పష్టం చేశారు. ఉత్తరప్రదేశ్‌లో కొత్తగా మూడు రాష్ట్రాలను ఏర్పాటు చేయాలని ఆ రాష్ట్ర ముఖ్యమంత్రి మాయావతి ప్రధానికి రాసిన లేఖపై ఆయన బుధవారం మీడియా ప్రతినిధుల వద్ద స్పందించారు. ఉత్తరప్రదేశ్ రాష్ట్ర విభజన చేయాలంటే దానికి ముందు రెండో ఎస్సార్సీ ఏర్పాటవుతుందని ఆయన అన్నారు.

రాష్ట్రాల విభజనపై తమ పార్టీ విధానం స్పష్టంగా ఉందని, రాష్ట్ర విభజనకు ముందు ఎస్సార్సీ వేయాలని తాము డిమాండ్ చేస్తామని ఆయన అన్నారు. కొత్త రాష్ట్రాల ఏర్పాటుకు ఎస్సార్సీ అత్యంత ప్రధానమైందని, కొత్త రాష్ట్రాలకు సమానమైన కేంద్ర ఆర్థిక సహాయం అంది అభివృద్ధికి దోహదం చేస్తాయని ఆయన అన్నారు. ఉత్తరప్రదేశ్‌లో కొత్తగా బుందేల్‌ఖండ్, పూర్వాంచల్, పశ్చిమాంచల్ లేదా హరిత ప్రదేశ్ లేదా పశ్చిమ ఉత్తరప్రదేశ్ రాష్ట్రాలను ఏర్పాటు చేయాలని మాయావతి ప్రధానిని కోరారు.

English summary

In a bid to counter Bahujan Samaj Party chief Mayawati’s plan to divide Uttar Pradesh, the Congress on Wednesday hit back saying the second State Reorganization Commission (SRC) be constituted first before such a move.