ఆజాద్‌తో బొత్స భేటీ: పిసిసి ప్రక్షాళన, తెలంగాణపై చర్చ

By Srinivas

Published: Friday, November 11, 2011, 11:58 [IST]

న్యూఢిల్లీ: ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ శుక్రవారం ఉదయం కేంద్ర మంత్రి, రాష్ట్ర వ్యవహారాల ఇంచార్జ్ గులాం నబీ ఆజాద్‌తో భేటీ అయ్యారు. వీరి మధ్య తెలంగాణ అంశం ప్రధానంగా చర్చకు వచ్చే అవకాశముంది. తెలంగాణపై త్వరలో అధిష్టానం తన నిర్ణయాన్ని ప్రకటించడంతో పాటు పార్లమెంటు సమావేశాలలోగా కేంద్రం తరఫున ఓ ప్రకటన కూడా వెలువడే అవకాశమున్న నేపథ్యంలో వారి మధ్య తెలంగాణ చర్చ ప్రధానంగా ఉండే అవకాశముంది. అలాగే బొత్స తాను పిసిసి పగ్గాలు చేపట్టినప్పటి నుండి పిసిసి, డిసిసిని ప్రక్షాళన చేయాలని భావిస్తున్నారు.

ఆయన ఢిల్లీ వెళ్లినప్పుడల్లా పార్టీ పెద్దల దృష్టికి ఈ విషయం తీసుకెళ్లడం జరుగుతోంది. ఈ సారి ఎలాగైనా ప్రక్షాళన చేయాలని బొత్స గట్టిగా భావిస్తున్నారట. అందుకోసం ఢిల్లీ పెద్దలను ఒప్పించాలని కూడా ఆయన భావిస్తున్నారట. వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి తదితర కాంగ్రెసు వ్యతిరేక నేతలను తప్పించి తనకు అనుకూలురైన వారిని నియమించుకునేందుకు బొత్స తీవ్రంగా ప్రయత్నిస్తున్నారు.

Published On November 11, 2011