వైయస్, కెవిపిల అక్రమాలపై పెదవి విప్పండి: తలసాని

హైదరాబాద్: ఐఏఎస్ అధికారులు స్వచ్చంధంగా ముందుకు వచ్చి దివంగత ముఖ్యమంత్రి వైయస్ రాజశేఖర రెడ్డి, ప్రభుత్వ మాజీ సలహాదారు కెవిపి రామచంద్రా రావు తమతో ఏం అక్రమాలు చేయించారో కోర్టుకు చెప్పాలని తెలుగుదేశం పార్టీ సీనియర్ నేత, మాజీ మంత్రి తలసాని శ్రీనివాస్ యాదవ్ గురువారం సూచించారు. అధికారులు స్వచ్చంధంగా ముందుకు వచ్చి అక్రమాలపై పెదవి విప్పకుంటే వాటన్నింటినీ ఆధారాలతో సహా తామే బయటపెడతామని అప్పుడు శ్రీలక్ష్మికి పట్టిన గతే వారికీ పడుతుందన్నారు. వైయస్ ఆత్మ కెవిపికి తెలియకుండా ఆయన హయాంలో ఏ ఒక్క పనీ జరగలేదన్నారు.

కిరణ్ కుమార్ రెడ్డ జాక్ పాట్ ముఖ్యమంత్రి అని విమర్శించారు. ఏడాది పాటు ముఖ్యమంత్రిగా కొనసాగడమే కిరణ్ సాధించిన గొప్ప విజయమని ఎద్దేవా చేశారు. తన సొంతడబ్బా కొట్టుకోవడానికే సిఎం రచ్చబండ కార్యక్రమం నిర్వహిస్తున్నారని ధ్వజమెత్తారు. ఇప్పటి వరకు రచ్చబండ కార్యక్రమంలో ఎన్ని ఫిర్యాదులు స్వీకరించారు, వాటిలో ఎన్నింటిని పరిష్కరించారో జిల్లాల వారీగా శ్వేతపత్రం విడుదల చేయాలని డిమాండ్ చేశారు.

English summary

TDP senior leader Talasani Srinivas Yadav suggested IAS officers that to reveal late YSR and KVP illegal activities before court.