అమ్మను చూసేందుకైనా అనుమతించండి: రాజగోపాల్

హైదరాబాద్: తనను రెండు రోజులకొకసారి తన తల్లిని చూసేందుకైనా అనుమతించాలని కర్నాటక మాజీ మంత్రి గాలి జనార్ధన్ రెడ్డికి సంబంధించిన ఓబుళాపురం మైనింగ్స్ కేసులో అరెస్టైన మాజీ గనుల శాఖ అధికారి రాజగోపాల్ శుక్రవారం సిబిఐ ప్రత్యేక కోర్టుకు విన్నవించుకున్నారు. రాజగోపాల్ రిమాండ్ శుక్రవారంతో ముగియడంతో చంచల్ గూడ జైలులో ఉన్న ఆయనను కోర్టు వీడియో కాన్ఫరెన్సు ద్వారా విచారించింది. విచారణ అనంతరం ఆయన రిమాండును డిసెంబర్ 9వ తేది వరకు పొడిగించింది.

విచారణ సమయంలో రాజగోపాల్ తన తల్లి వయసు 95 ఉందని, ఆమె అనారోగ్యం దృష్ట్యా తల్లిని చూసేందుకు రెండు రోజులకు ఒకసారైనా తనను ఇంటికి వెళ్లేందుకు అనుమతించాలని విజ్ఞప్తి చేశారు. తనకు బెయిలు కూడా మంజూరు చేయాలని ఆయన కోరారు. కాగా బెయిల్, ప్రత్యేక సౌకర్యాలు ఏర్పాటు చేయాలనే పిటిషన్ సాయంత్రం విచారణకు రానుంది.

English summary

OMC accused Rajagopal urged CBI court today while enquiring to give permission him to go home for every two days see mother.