జగన్ ఎమ్మెల్యేల వ్యవహారం అర్థం కావట్లేదు: యనమల

By Srinivas

Published: Friday, November 25, 2011, 13:58 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి వర్గం శాసనసభ్యుల వ్యవహారం అర్థం కావడం లేదని తెలుగుదేశం పార్టీ సీనియర్ నేత యనమల రామకృష్ణుడు శుక్రవారం అన్నారు. చిత్తశుద్ధితో పెట్టే అవిశ్వాసానికి తాము మద్దతిస్తామని అంటున్నారని చిత్తశుద్ది అంటే ఏమిటో వారే చెప్పాలని ప్రశ్నించారు. అవిశ్వాసం జరిగేటప్పుడు ఎవరి చిత్తశుద్ధి ఏమిటో తేలిపోతుందన్నారు. గతంలో జరిగిన స్పీకర్ ఎన్నికల్లోనే జగన్ వర్గం ఎటువైపో తేలిపోయిందన్నారు.

శాసనసభ స్పీకర్ నాదెండ్ల మనోహర్ పొలాల బాట పడుతుంటే కాంగ్రెసు ఎమ్మెల్యేలు, మంత్రులు మాత్రం రైతుల సమస్యలపై దృష్టి సారించడం లేదని మరో నేత పయ్యావుల కేశవ్ విమర్శించారు. వైయస్సార్ కాంగ్రెసు పార్టీ గౌరవ అధ్యక్షురాలు వైయస్ విజయమ్మ పిటిషన్‌లో ఎలాంటి వాస్తవాలు లేవన్నారు.

Published On November 25, 2011