బాబు, భువనేశ్వరి, లోకేష్‌లకు సిబిఐ నోటీసులు జారీ

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు ఆస్తుల కేసులో సిబిఐ సోమవారం ముగ్గురికి నోటీసులు జారీ చేసింది. చంద్రబాబు సహా ఆయన సతీమణి భువనేశ్వరికి, కుమారుడు నారా లోష్‌కు నోటీసులు జారీ అయ్యాయి. దీంతో చంద్రబాబు ఆస్తుల కేసులో విచారణకు సిబిఐ రంగంలోకి దిగిందని చెప్పవచ్చు. రోజుకు నలుగురి చొప్పున విచారించేందుకు సిబిఐ నిర్ణయించుకున్నట్లు సమాచారం. హైకోర్టు నుంచి ఆదేశాల కాపీలను పొందిన సిబిఐ చంద్రబాబు ఆస్తుల కేసులో ప్రాథమిక విచారణకు ముందుకు వచ్చింది. చంద్రబాబుతో పాటు 13 మందిపై వైయస్సార్ కాంగ్రెసు శానససభ్యురాలు వైయస్ విజయమ్మ వేసిన పిటిషన్‌పై హైకోర్టు సిబిఐ ప్రాథమిక విచారణకు ఆదేశించిన విషయం తెలిసిందే.

కాగా, సుప్రీంకోర్టు సూచన మేరకు ఈనాడు గ్రూపు సంస్థల అధినేత రామోజీ రావు, తెలుగుదేశం పార్లమెంటు సభ్యులు నామా నాగేశ్వర రావు, సుజనా చౌదరి, తదితరులు హైకోర్టులో వెకేట్ పిటిషన్లు దాఖలు చేశారు. సోమవారంనాడు భువనేశ్వరి, నారా లోకేష్ కూడా వెకేట్ పిటిషన్లు వేయనున్నట్లు వార్తలు వచ్చాయి. వారు వెకేట్ పిటిషన్లు వేస్తారా, విచారణను ఎదుర్కుంటారా అనేది ఇంకా స్పష్టం కావడం లేదు.

English summary

CBI to serve notices in TDP president N Chandrababu Naidu and others.