బాబుపై దుమ్మెత్తిపోసిన మంత్రులు, దిగుజారుడని వ్యాఖ్య

By Pratap

Published: Thursday, December 1, 2011, 9:38 [IST]

హైదరాబాద్: సంతాప తీర్మానం కూడా ప్రతిపాదించకుండా సభను అడ్డుకోవడంపై ముగ్గురు రాష్ట్ర మంత్రులు ప్రతిపక్ష నాయకుడు నారా చంద్రబాబు నాయుడిపై దుమ్మెత్తి పోశారు. ప్రజా సమస్యలపై ప్రభుత్వానికి చిత్తశుద్ధి లేదని ప్రాథమిక విద్యాశాఖ మంత్రి శైలజానాథ్ విమర్శించారు. ప్రజా సమస్యలపై చర్చకు ప్రభుత్వం సిద్ధంగా ఉందని ఆయన గురువారం ఉదయం మీడియా ప్రతినిధులతో అన్నారు. మరణించిన సభ్యులకు సంతాపం ప్రకటిస్తూ తీర్మానం ప్రతిపాదించిన తర్వాత ఏ కార్యక్రమం చేపట్టడానికైనా ప్రభుత్వం సిద్ధంగా ఉందని ఆయన అన్నారు.

సంతాపం తీర్మానాన్ని అడ్డుకున్న సంప్రదాయం చట్టసభలో ఇప్పటి వరకు లేదని, ఇది ఇప్పుడే చూస్తున్నామని మంత్రి ఏరాసు ప్రతాప రెడ్డి అన్నాైరు. మాజీ ముఖ్యమంత్రి, ప్రతిపక్ష నాయకుడు, అన్నీ తెలిలినవాడు అయిన చంద్రబాబు ఇంత నీచానికి దిగజారుతాడని తాను అనుకోలేదని ఆయన అన్నారు. ఇది శాసనసభ చరిత్రలో బ్లాక్ డే అని ఆయన అన్నారు. సహచర సభ్యుడు మరణిస్తే సభలో సంతాపం ప్రకటించాల్సిన బాధ్యత ఉంటుందని మరో మంత్రి పార్థసారథి అన్నాైరు. రాజకీయ ప్రయోజనాల కోసమే తెలుగుదేశం పార్టీ ప్రభుత్వంపై అవిశ్వాస తీర్మానం ప్రతిపాదించిందని ఆయన అన్నారు. తాము అవిశ్వాస తీర్మానాన్ని ఎదుర్కోవడానికి సిద్ధంగా ఉన్నామని పదే పదే చెప్పినా తెలుగుదేశం పార్టీ సభను అడ్డుకోవడం సరి కాదని ఆయన అన్నారు.

Published On December 1, 2011