జగన్ రూ.200కోట్లు ఖర్చు చేస్తే: విజయమ్మతో టిడిపి

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపి వైయస్ జగన్మోహన్ రెడ్డి ఇంకో రూ200కోట్లు ఖర్చు పెట్టి ఉంటే కిరణ్ కుమార్ రెడ్డి ప్రభుత్వం కూలి పోయి ఉండేదని తెలుగుదేశం పార్టీ సీనియర్ శాసనసభ్యుడు పి.మహేందర్ రెడ్డి పులివెందుల శాసనసభ్యురాలు వైయస్ విజయమ్మతో అసెంబ్లీ లాబీల్లోని క్యాంటిన్లో అన్నారు. సోమవారం మధ్యాహ్నం విజయమ్మ తమ వర్గం ఎమ్మెల్యేలతో కలిసి అల్పాహారం తీసుకుంటున్నారు. ఆ సమయంలో అక్కడే ఉన్న మహేందర్ రెడ్డి వెళుతూ వెళుతూ జగన్ వర్గం ఎమ్మెల్యేల పక్కన నిలబడి విజయమ్మనుద్దేశించి మేడమ్! జగన్ రూ.200 కోట్లు ఖర్చు పెట్టి ఉంటే ప్రభుత్వం పడిపోయేదని, మీ ప్రణాళిక సరిగా లేదని చెప్పారు.

ఇంకా ముందు నుంచి కసరత్తు చేసి ఉండే బావుండేదని చెప్పారు. అవిశ్వాస తీర్మానం ప్రవేశ పెడతామని తమ అధినేత నారా చంద్రబాబు నాయుడు ముందు నుండి చెబుతున్నారని జగన్ అప్పటి నుండే కసరత్తు చేసి ఉండే బాగుండేదని అభిప్రాయపడ్డారు. కేవలం రెండు రోజుల ముందు నుండి మీరు ప్రయత్నాలు చేస్తున్నారన్నారు. అందుకు జగన్ ఎమ్మెల్యేలు కూడా నిజమేనని తలూపారట.

English summary

TDP MLA Mahender Reddy suggested Pulivendula MLA YS Vijayamma about no-confidence motion.