అఫ్గానిస్తాన్‌లో జంట పేలుళ్లు, 34 మంది దుర్మరణం

అఫ్గానిస్తాన్‌: అఫ్గనిస్తాన్ రాజధాని కాబూల్‌లో, ఉత్తరాది నగరం మజర్ - ఐ- షరీప్‌లో శుక్రవారం జరిగిన జంట పేలుళ్లలో 34 మంది దుర్మరణం పాలయ్యారు. అసుర పవిత్ర దినోత్సవం సందర్భంగా ప్రార్థనాలయంలో షియా ముస్లింలు పెద్ద యెత్తున వచ్చిన సమయంలో మధ్య కాబూల్‌లో భారీ పేలుడు సంభవించింది. ఇందులో కనీసం 30 మంది మరణించారు. ప్రార్థనా స్థలం వద్ద ఆ ఆత్మాహుతి దళ సభ్యుడు తనను తాను పేల్చుకున్నాడు. తాలిబాన్ ప్రభుత్వ హయాంలో అసురను జరుపుకోవడాన్ని నిషేధించారు.

మజర్ - ఐ - షరీఫ్‌లో మరో పేలుడు సంభవించింది. ఈ పేలుడులో నలుగురు మరణించారు. కాబూల్‌లో ఈ ఏడాది పెద్ద యెత్తున అసుర కార్యక్రమాలు జరుగుతున్నాయి. అఫ్గానిస్తాన్‌లో సున్నీ, మైనారిటీ షియాల మధ్య వైషమ్యాలు ఉన్న విషయం తెలిసిందే. ఈ దాడులకు పాల్పడింది తాలిబాన్ అవునా, కాదా అనే విషయం నిర్ధారణ కావడం లేదు.

English summary

A suicide bomber attacked a Shi'ite Muslim shrine in central Kabul on Tuesday where a crowd of hundreds had gathered for the festival of Ashura, killing up to 30 people in what appeared to be an unprecedented sectarian attack.