మరో బెంచీకి చంద్రబాబు వెకేట్ పిటిషన్ విచారణ

By Pratap

Published: Thursday, December 8, 2011, 12:59 [IST]

హైదరాబాద్: వైయస్సార్ కాంగ్రెసు పార్టీ గౌరవాధ్యక్షురాలు వేసిన వైఎస్ విజయలక్ష్మి పిటిషన్‌పై ఇచ్చిన ఆదేశాలకు సబంధించి తెలుగుదేశం పార్టీ అధ్యక్షతుడు చంద్రబాబు సహా ఇతరులు వేసిన వెకేట్ పిటిషన్ల విచారణ హైకోర్టులో మరో బెంచ్‌కు బదిలీ అయింది. ఈ పిటిషన్లపై రేపటి నుంచి విచారణనలు ప్రారంభంకానున్నాయి. అయితే పిటిషన్లపై విచారణ మరో బెంచ్‌కు బదిలీకి గల కారణాలు తెలియరాలేదు. వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తుల కేసులో జలమండలి అధికారులు గురువారం సిబిఐ ముందు హాజరయ్యారు.

కర్ణాటక మాజీ మంత్రి గాలి జనార్దన్ రెడ్డి అక్రమ మైనింగ్ కేసులో అరెస్టయి జైలులో ఉన్న ఐఎఎస్ అధికారి రాజగోపాల్ మరోసారి బెయిల్‌కు దరఖాస్తు చేసుకున్నారు. దీనిపై సిబిఐ కోర్టులో కౌంటర్ దాఖలు చేసింది. గతంలో రాజగోపాల్ పెట్టుకున్న బెయిల్ పిటిషన్‌ను కోర్టు తిరస్కరించింది. ఈ కేసులో ఐఎఎస్ అధికారి శ్రీలక్ష్మికి బెయిల్ లభించింది. కాగా, ఎమ్మార్ ప్రాపర్టీస్ కుంభకోణం కేసులో అరెస్టయిన కోనేరు ప్రసాద్ పెట్టుకున్న బెయిల్ పిటిషన్‌పై విచారణను కోర్టు రేపటికి వాయిదా వేసింది. ఈ కేసులో సిబిఐ ఇప్పటికే కౌంటర్ దాఖలు చేసింది.

Published On December 8, 2011