విశాఖ, హైదరాబాద్ ప్రత్యేక కోర్టులపై చర్చించాం: జెడి

హైదరాబాద్: హైదరాబాద్, విశాఖలలో ఏర్పాటు చేయతలపెట్టిన సిబిఐ ప్రత్యేక న్యాయస్థానాల అంశంపై తాము చర్చించామని సిబిఐ జెడి లక్ష్మీ నారాయణ మంగళవారం అన్నారు. ఆయన ప్రభుత్వ ప్రధాన కార్యదర్శితో భేటీ అయ్యారు. అనంతరం ఆయన మీడియాతో మాట్లాడారు. సిబిఐ విచారణకు సంబంధించి సచివాలయం వివిధ శాఖల నుంచి సమాచారమిచ్చేందుకు ఒక సమన్వయ కర్తను ఏర్పాటు చేయాలని సిఎస్‌ను కోరామన్నారు. వైయస్ జగన్ ఇంటి విలువను నిర్ధారించే నివేదిక ఇంకా తమకు అందాల్సి ఉందని చెప్పారు.

ఓఎంసి కేసులో శ్రీలక్ష్మి పేరు చేర్చేందుకు ప్రయత్నాలు జరుగుతున్నాయన్నారు. ఆమె ప్రాసిక్యూషన్‌కు అవసరమైన చర్యలు తీసుకుంటామన్నారు. కేసులో కీలకమైన వ్యక్తులు ఎవరున్నారన్న అంశంపై ఇంకా దర్యాఫ్తు కొనసాగుతోందన్నారు. టిడిపి అధినేత నారా చంద్రబాబు నాయుడు ఆస్తుల కేసులో తాత్కాలిక నిలుపుదల తన దృష్టికి ఇంకా రాలేదన్నారు.

కాగా గాలి జనార్ధన్ రెడ్డి నాంపల్లి కోర్టులో నాలుగోసారి బెయిల్ కోసం పిటిషన్ దాఖలు చేశారు. మరోవైపు ఎమ్మార్ కేసులో సిబిఐ ఎదుట చెన్నై హెచ్‌డిఎఫ్‌సి బ్యాంకు ప్రతినిధులు హాజరై పలు పత్రాలను అందజేశారు.

English summary

CBI JD Laxmi Narayana met government CS today and talk about special courts.