వద్దంటే వద్దు: సోనియా, మన్మోహన్‌కు టి-ఎంపీల లేఖ

By Srinivas

Published: Tuesday, December 13, 2011, 10:43 [IST]

న్యూఢిల్లీ: తెలంగాణకు ఎలాంటి అభివృద్ధి మండలి అవసరం లేదని తెలంగాణ ప్రాంత కాంగ్రెసు పార్టీ పార్లమెంటు సభ్యులు మంగళవారం ఏఐసిసి అధ్యక్షురాలు సోనియా గాంధీ, ప్రధాన మంత్రి మన్మోహన్ సింగ్‌కు లేఖ రాశారు. అదే సమయంలో హైదరాబాదును కేంద్ర పాలిత ప్రాంతంగా కూడా అంగీకరించేది లేదని అందులో పేర్కొన్నారు. 2009 డిసెంబర్ 9న పార్లమెంటు సాక్షిగా ఇచ్చిన హామీని నిలబెట్టుకోవాలని వారు విజ్ఞప్తి చేశారు.

కాగా తెలంగాణకు ప్రత్యేక అభివృద్ధి మండలి వేయాలని కేంద్రం ఓ నిర్ణయానికి వచ్చినట్లుగా వార్తలు వచ్చిన విషయం తెలిసిందే. ఈ మండలికి మాజీ పిసిసి అధ్యక్షుడు డి శ్రీనివాస్‌ను చైర్మన్‌గా నియమించనున్నారనే వాదనలు వినిపించాయి. ఈ నేపథ్యంలో ఎంపీలు అభివృద్ధి మండలి అవసరం లేదంటూ సోనియాకు లేఖ రాశారు.

Published On December 13, 2011