లోకసభలో టి-ఎంపీల హల్ చల్, తెలంగాణ నినాదాలు

By Srinivas

Published: Tuesday, December 13, 2011, 17:13 [IST]

న్యూఢిల్లీ: తెలంగాణ ప్రాంత కాంగ్రెసు పార్టీ పార్లమెంటు సభ్యులు మంగళవారం పార్లమెంటులో హల్ చల్ చేశారు. లోకసభ ప్రారంభమైన కొద్ది సేపటికి ఎంపీలు జై తెలంగాణ అంటూ నినాదాలు చేశారు. ప్లకార్డులు ప్రదర్శించారు. కేంద్రం 2009 డిసెంబర్ 9న చేసిన ప్రకటనకు కట్టుబడి ఉండాలని డిమాండ్ చేశారు. స్పీకర్ వారిని వారించారు. సభలో ఇలా చేయకూడదని సూచించారు. నిరసనగా ఎంపీలు సభ నుండి వాకౌట్ చేశారు.

కాగా అంతకుముందు ఏఐసిసి అధ్యక్షురాలు సోనియా గాంధీ, ప్రధాన మంత్రి మన్మోహన్ సింగ్‌కు తెలంగాణకు ప్రత్యేక అభివృద్ధి మండలి వద్దని లేఖ రాశారు. హైదరాబాదును కేంద్ర పాలిత ప్రాంతంగా చేస్తే ఒప్పుకునేదని స్పష్టం చేశారు. తెలంగాణ ప్రజలు రాష్ట్రం తప్ప ఏదీ కోరుకోవడం లేదని లేఖలో పేర్కొన్నారు. కాగా అధిష్టానం వారిని ఎంతగా హెచ్చరించినప్పటికీ వాటిని బేఖాతరు చేస్తూ సభలో నినాదాలు చేయడం గమనార్హం.

Published On December 13, 2011