జగన్ కేసులో మంత్రుల విచారణ: తీర్పు వాయిదా

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి ఆస్తుల కేసులో మంత్రులను, ఐఏఎస్ అధికారులను విచారించాలన్న పిటిషన్ పై తీర్పును కోర్టు ఈ నెల 27కు వాయిదా వేసింది. జగన్ కేసులోని సిబిఐ ఎఫ్ఐఆర్‌లో దివంగత ముఖ్యమంత్రి వైయస్ రాజశేఖర రెడ్డి హయాంలోని సంబంధిత మంత్రులు, ఐఏఎస్ అధికారులపై విచారణ జరపాలని ఇటీవల సుధాకర్ రెడ్డి పిటిషన్ వేశారు. ఇరువురు వాదనలు పూర్తైన అనంతరం తీర్పును కోర్టు వాయిదా వేసింది.

కాగా జగన్, గాలి జనార్ధన్ రెడ్డి ఓఎంసి, ఎమ్మార్ కేసులలో ఆర్థిక శాఖ, యునియన్ బ్యాంక్ అధికారులు, వాన్ పిక్ ప్రతినిధులు గురువారం ఉదయం సిబిఐ ఎదుట హాజరయ్యారు. యూనియన్ బ్యాంక్ అధికారులు సిబిఐకి పలు కీలకమైన పత్రాలను అందించినట్లుగా తెలుస్తోంది.

English summary

Court adjourned judgement, ministers and IAS officers enquiry in YS Jaganmohan Reddy case.