ఆ పత్రిక వాస్తవాలు రాసింది: జానా, విభేదాలపై ఖండన

హైదరాబాద్: కలెక్టర్ల సదస్సులోని అంతర్గత విషయాలపై ఈనాడు దిన పత్రిక ఒక్కటే వాస్తవాలు రాసిందని పంచాయతీ రాజ్ శాఖ మంత్రి జానా రెడ్డి గురువారం అన్నారు. సదస్సులోని అంతర్గత విషయాలను మీడియా వక్రీకరించిందని ఆరోపించారు. ఇలా వక్రీకరించి గందరగోళం సృష్టించడం సరికాదని, తమపై కోపం, బాధ ఉన్న వారే అలా రాశారని విమర్శించారు. కొన్ని పథకాల అమలులో లోటుపాట్లు సవరించాల్సిన మాట వాస్తవమేనని అన్నారు. తమకు ముఖ్యమంత్రితో ఎలాంటి విభేదాలు లేవన్నారు. పథకాలు పారదర్శకంగా అమలు చేయాలని కలెక్టర్లకు సూచించామన్నారు.

మరో మంత్రి డికె అరుణ కూడా విభేదాల వార్తలను ఖండించారు. సదస్సులో ఎవరి అభిప్రాయాలు వారు వెలువర్చారని అందులో తప్పు పట్టాల్సిన అవసరం లేదన్నారు. సమస్యల పైనే చర్చించామని అంతకుమించి ఏమీ లేదన్నారు. క్షేత్రస్థాయిలో అమలవుతున్న పథకాల తీరుపై కలెక్టర్లు తమ అభిప్రాయాలు తెలిపారని, మంత్రులు కూడా తమ అభఇప్రాయాలు తెలిపారన్నారు.

English summary

Minister Jana Reddy praised Eenadu daily today. He condemned differences with CM Kiran Kumar Reddy roumers.