ఓఎంసి కేసు: రాజగోపాల్‌కు షరతులతో కూడిన బెయిల్

హైదరాబాద్: ఓబుళాపురం గనుల కేసులో అరెస్టైన రాజగోపాల్‌కు సిబిఐ ప్రత్యేక కోర్టు గురువారం షరతులతో కూడిన బెయిల్ మంజూరు జేసింది. రూ.50వేల నగదు, ఇద్దరు వ్యక్తుల పూచీకత్తుపై ఆయనకు బెయిల్ మంజూరు చేసింది. పాసుపోర్టును హ్యాండ్ ఓవర్ చేయాలని, విదేశాలకు వెళ్లకూడదని, సిబిఐ విచారణకు పిలిచినప్పుడు రావాలని సూచించింది. ఆయన ఈ సాయంత్రం చంచల్ గూడ జైలు నుండి బయటకు వచ్చే అవకాశాలు ఉన్నాయి.

కాగా ఓఎంసి కేసులో కర్నాటక మాజీ మంత్రి గాలి జనార్ధన్ రెడ్డి, శ్రీనివాస్ రెడ్డిల తర్వాత రాజగోపాల్ అరెస్టయ్యారు. ఆ తర్వాత శ్రీలక్ష్మి కూడా అరెస్టై బెయిల్ పొందారు. ఆమెకు కూడా కోర్టు షరతులతో కూడిన బెయిల్ మంజూరు చేసింది. గాలి, శ్రీనివాస్ రెడ్డిలకు కోర్టు బెయిల్ ఇవ్వలేదు. ఈ నెల 29 వరకు వారి రిమాండును పొడిగించింది. ఓఎంసి కేసులో రాజగోపాల్ అక్రమాలకు పాల్పడ్డారన్న ఆరోపణలు ఉన్నాయి.

English summary

Rajagopal get contitional bail today from CBI special court.