బెయిల్ విషయంపై కౌంటర్ దాఖలు చేసిన శ్రీలక్ష్మి

By Srinivas

Published: Monday, December 26, 2011, 12:15 [IST]

హైదరాబాద్: బెయిలు విషయంలో సస్పెండ్‌కు గురైన ఐఏఎస్ అధికారిణి శ్రీలక్ష్మి సోమవారం రాష్ట్ర అత్యున్నత న్యాయస్థానం హైకోర్టులో కౌంటర్ అఫిడవిట్ దాఖలు చేశారు. కర్నాటక మాజీ మంత్రి గాలి జనార్ధన్ రెడ్డి ఓబుళాపురం మైనింగ్ కేసులో ఆమె ఇటీవల అరెస్టై బెయిల్ పొందిన విషయం తెలిసిందే. ఈమె బెయిల్ సవాల్ చేస్తూ సిబిఐ అధికారులు ఇటీవల హైకోర్టును ఆశ్రయించారు. దీనికి స్పందించిన కోర్టు ఈ నెల 26వ తేదిలోగా సిబిఐ పిటిషన్‌పై కౌంటర్ దాఖలు చేయాలని ఆదేశించింది. విచారణను 29కు వాయిదా వేసింది. దీంతో ఆమె సోమవారం కౌంటర్ దాఖలు చేశారు.

కాగా రాజగోపాల్‌కు సోమవారం హైకోర్టులో ఎదురు దెబ్బ తగిలిన విషయం తెలిసిందే. సిబిఐ కోర్టు రాజగోపాల్‌కు మంజూరు చేసిన బెయిల్‌ను హైకోర్టు రద్దు చేసింది. దీంతో రాజగోపాల్ జైలులోనే ఉండాల్సిన పరిస్థితి ఏర్పడింది. ఒఎంసి కేసులో దర్యాప్తు కొనసాగుతున్నందున ఈ స్థితిలో రాజగోపాల్‌కు బెయిల్ ఇవ్వడం సమంజసం కాదని హైకోర్టు స్పష్టం చేసింది. మరోవైపు వైయస్ జగన్ ఆస్తుల కేసులో ఇండియా సిమెంట్స్ ప్రతినిధులు సిబిఐ ముందు హాజరయ్యారు.

Published On December 26, 2011