• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఎస్సీ కార్డుతో మాట్లాడినా ఊరుకోం: మోత్కుపల్లిపై నాయిని

By Srinivas
|

Nayini Narasimha Reddy
హైదరాబాద్: తెలుగుదేశం పార్టీ నేత మోత్కుపల్లి నర్సింహులు ఎస్సీ కార్డు పెట్టుకొని ఇష్టం వచ్చినట్లు మాట్లాడితే ఊరుకునేది లేదని టిఆర్ఎస్ పోలిట్ బ్యూరో సభ్యుడు నాయిని నర్సింహా రెడ్డి గురువారం హెచ్చరించారు. తెలంగాణకు చంద్రబాబు నాయుడు మోసం చేసిన విషయం ప్రపంచానికంతా తెలుసున్నారు. కెసిఆర్ దీక్ష కారణంగానే తెలంగాణ ప్రక్రియ ప్రారంభమైందని, దానిని చంద్రబాబు అడ్డుకున్నారన్నారు. తెలంగాణలో చంద్రబాబు చేస్తున్నది రైతు పోరుబాట యాత్ర కాదని రౌడీ యాత్ర అన్నారు. తెలంగాణ టిడిపి నేతలు దమ్ముంటే రాజీనామా చేసి గెలవాలన్నారు. తెలంగాణకు దగా చేసినందునే ఉప ఎన్నికల్లో డిపాజిట్ కూడా దక్కలేదన్నారు. బాన్సువాడ ఉప ఎన్నికల్లో అభ్యర్థిని కూడా నిలబెట్టుకోని పరిస్థితి అన్నారు. తెలంగాణ కోసం ఆత్మహత్య చేసుకున్న వారిని మోత్కుపల్లి అవమానపరుస్తున్నారన్నారు.

ఢిల్లీలో ఎప్పుడు ఉండాలో గల్లీలో ఎప్పుడు ఉండాలో తమకు తెలుసునని మరో నేత శ్రవణ్ అన్నారు. సకల జనుల సమ్మె జరుగుతున్నప్పుడు టిటిడిపి నేతలు ఎక్కడ ఉన్నారని ప్రశ్నించారు. తెలంగాణ విషయంలో చంద్రబాబు డ్రామాలాడుతున్నారని, బ్లాక్ మెయిల్ రాజకీయాలతో వచ్చిన తెలంగాణ అడ్డుకున్నారని విమర్శించారు. బాబుకు వెన్నుపోటు వెన్నతో పెట్టిన విద్య అని తెలంగాణ ప్రజలు ఆయనకు వెన్నుపోటు పొడుస్తారన్నారు.

English summary
TRS leader Nayini Narasimha Reddy warned Mothkupalli Narasimhulu for his comments against TRS and KCR.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X