• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్‌ను కలిసిన మాజీ టిఆర్ఎస్ నేత సంతోష్ రెడ్డి

By Srinivas
|

YS Jagan
హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డిని సోమవారం మాజీ మంత్రి సంతోష్ రెడ్డి కలిశారు. సంతోష్ రెడ్డితో పాటు ఆర్మూర్ సర్పంచ్ మారుతి రెడ్డి కూడా జగన్‌ను కలిశారు. 2004కు ముందు తెలంగాణ ప్రాంతం నుండి కాంగ్రెసులో కీలక నేతగా ఉన్న సంతోష్ రెడ్డి ఆ తర్వాత తెలంగాణ రాష్ట్ర సమితిలో చేరారు. ఆ పార్టీ నుండి 2004లో పోటీ చేసి గెలుపొందారు. అనంతరం టిఆర్ఎస్ అధ్యక్షుడు కల్వకుంట్ల చంద్రశేఖర రావుతో విభేదాలు వచ్చి తిరిగి కాంగ్రెసులో చేరారు. దివంగత ముఖ్యమంత్రి వైయస్ రాజశేఖర రెడ్డి ఆపరేషన్ స్వగృహ వల్ల పదిమంది తెలంగాణ ఎమ్మెల్యేలు కాంగ్రెసులో చేరారు. అందులో సంతోష్ రెడ్డి ఒకరు. ఆ తర్వాత ఆయన కాంగ్రెసులో చేరినప్పటికీ క్రియాశీలకంగా లేరనే చెప్పవచ్చు.

కొత్తగా పార్టీ స్థాపించడం, తాను తెలంగాణ ప్రజల ఆకాంక్షను గౌరవిస్తానని చెప్పడం కారణంగా ఇటీవల జగన్‌పై తెలంగాణలో కొంత వ్యతిరేకత తగ్గింది. ఆదే సమయంలో ఆయన సంతోష్ రెడ్డి సొంత జిల్లా అయిన నిజామాబాద్ జిల్లా ఆర్మూర్‌లో పర్యటిస్తున్నారు. ఈ నేపథ్యంలో సంతోష్ రెడ్డి జగన్‌ను కలవడం రాజకీయంగా చర్చానీయాంశమైంది. మొదటి నుండి పక్కా తెలంగాణవాది అయిన సంతోష్ రెడ్డి వైయస్సార్ కాంగ్రెసు పార్టీలో చేరేందుకే జగన్‌ను కలిశారు. ఆర్మూర్‌లో మంగళవారం దీక్ష చేస్తున్న జగన్ సమక్షంలో సంతోష్ రెడ్డి ఆయన పార్టీలో చేరనున్నారని తెలుస్తోంది. కాంగ్రెసు, తెలుగుదేశం పార్టీ తెలంగాణపై ఏ నిర్ణయం తీసుకోక పోవడం, తెలంగాణ ప్రాంతంలో తాను విభేదించి బయటకు వచ్చిన కెసిఆర్‌కు చెందిన పార్టీ హవా కొనసాగుతుండటం, జగన్ తెలంగాణకు సానుకూలంగా మాట్లాడటం వంటి కారణాల దృష్ట్యా వైయస్సార్ కాంగ్రెసు పార్టీలో చేరేందుకు ఆయన నిర్ణయించుకున్నట్లుగా కనిపిస్తోంది.

English summary
Former Minister Santhosh Reddy met YSR Congress Party chief YS Jaganmohan Reddy today in party office.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X