ఏళ్లుగా కక్షతో వేధిస్తున్నారు: 'విజయమ్మ'పై చంద్రబాబు

By Srinivas

Published: Thursday, February 16, 2012, 12:15 [IST]

హైదరాబాద్: నాపై అన్యాయంగా బురద జల్లాలని చూస్తే వారికి కోర్టు బుద్ధి చెప్పిందని తెలుగుదేశం పార్టీ అధినేత నారా చంద్రబాబు నాయుడు గురువారం అన్నారు. బాబు ఆస్తులపై వైయస్సార్ కాంగ్రెసు పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ వేసిన పిటిషన్‌ను హైకోర్టు కొట్టివేసిన విషయం తెలిసిందే. దీనిపై చంద్రబాబు స్పందించారు. తనపై బురదజల్లి కడుక్కోమని అంటున్నారని, అయితే వారికి కోర్టు తీర్పు బుద్ధి చెప్పిందన్నారు. హైకోర్టు తీర్పుతోనైనా కళ్లు తెరవాలని బాబు వైయస్సార్ కాంగ్రెసుకు సూచించారు. తప్పు చేయకపోయినా చెప్పలేక పోతున్నామని ఆయన ఆవేదన వ్యక్తం చేశారు. దివంగత ముఖ్యమంత్రి వైయస్ రాజశేఖర రెడ్డి ఉన్నంత కాలం తనను ఉపసఘాలు, హైకోర్టు విచారణల పేరుతో వేధించారన్నారు. వారు తనపై ఏళ్ల తరబడిగా కక్ష సాధిస్తున్నారని విమర్శించారు. ఎమ్మార్‌లో 2000 నుండి విచారణ జరుపుతున్నట్టు సిబిఐ చెప్పిన తర్వాత కూడా నాపై బురద జల్లడం సరికాదన్నారు.

ఆర్టీఐ కమిషనర్ల నియామకంపైనా ఆయన స్పందించారు. స.హ. కమిషనర్ల విషయంలో ప్రదేశ్ కాంగ్రెసు కమిటీ అధ్యక్షుడు, బొత్స సత్యనారాయణ, ముఖ్యమంత్రి కిరణ్ కుమార్ రెడ్డి తనపై దుష్ప్రచారం చేస్తున్నారని బాబు అన్నారు. ఆయేషా మీరా హత్య కేసులో నిందితురాలిగా ఉన్న వ్యక్తి తల్లి పేరును కూడా ప్రతిపాదించారని, ఆ విషయం తనకు ముందు తెలియదన్నారు. సమాచారం తెలుసుకున్న తర్వాత దానిని వ్యతిరేకించానని చెప్పారు. అందుకే డీసెంట్ రాశానని చెప్పారు.

Published On February 16, 2012