చెన్నా రెడ్డి తర్వాత ఎవరూ లేరు: డిసిఎం దామోదర

By Srinivas

Published: Saturday, February 25, 2012, 9:01 [IST]

హైదరాబాద్: ఒకప్పుడు నాయకులు ప్రత్యేక రాష్ట్రం కావాలని డిమాండ్ చేసేవారని కాని ఇప్పుడు మాత్రం పదవులు కోరుకుంటున్నారని ఉప ముఖ్యమంత్రి దామోదర రాజనర్సింహ శుక్రవారం అన్నట్లుగా తెలుస్తోంది. తెలంగాణ ప్రాంతం నుండి చెన్నా రెడ్డి తర్వాత అంత బలమైన నేత లేరన్నారు. తెలంగాణను ఇవ్వమని కాంగ్రెసు పార్టీ ఎప్పుడూ చెప్పలేదన్నారు. రాష్ట్ర సాధన కేవలం కాంగ్రెసుతోనే సాధ్యమని ఆయన స్పష్టం చేశారు.

వచ్చే నెల మార్చి 18న జరగనున్న ఉప ఎన్నికల ప్రచారంలో తాను పాల్గొంటానని దామోదర రాజనర్సింహ చెప్పారు. ఉప ఎన్నికలు ఉన్న అన్ని నియోజకవర్గాలలోనూ తాను పర్యటిస్తానని చెప్పారు. కాంగ్రెసుతోనే తెలంగాణ అని తాను ప్రజలకు వివరిస్తానని స్పష్టం చేశారు. మార్చి మొదటి వారం నుండి ఉప ఎన్నికల్లో పాల్గొంటానన్నారు.

Published On February 25, 2012