నిన్న శ్రీలక్ష్మికి, నేడు గీతారెడ్డికి: నారాయణ క్షమాపణ

హైదరాబాద్: సిపిఐ రాష్ట్ర కార్యదర్శి నారాయణ మంత్రి గీతా రెడ్డికి శనివారం క్షమాపణలు చెప్పారు. శుక్రవారం సాయంత్రం ఆయన గీతా రెడ్డిపై అనుచిత వ్యాఖ్యలు చేసిన విషయం తెలిసిందే. ఈ వ్యాఖ్యలకు నారాయణ భార్య కూడా నొచ్చుకున్నారని, మహిళలపై మాట్లాడేటప్పుడు జాగ్రత్తగా మాట్లాడాలని సూచించారట. గీతా రెడ్డిపై మాట్లాడిన మాటలు సరిగా లేవిని కూడా చెప్పారట. దీంతో ఖంగుతున్న నారాయణ గీతా రెడ్డికి ఫోన్ చేశారని తెలుస్తోంది. తాను చేసిన వ్యాఖ్యలను అపార్థం చేసుకోవద్దని, మాటల ఒరవడిలో అలా అన్నానని కించపరచాలని మాత్రం కాదని చెప్పారు. దానికి గీతా రెడ్డి మీలాంటి వారు చూసుకొని కామెంట్ చేయాలని సూచించినట్లుగా తెలుస్తోంది. కాగా మంత్రి గీతా రెడ్డికి సింగారించుకోవడమే తప్ప ఏం తెలుసునని వ్యాఖ్యానించిన విషయం తెలిసిందే.

గతంలో ఓబుళాపురం మైనింగ్ కేసులో అరెస్టైన శ్రీలక్ష్మి పైనా నారాయణ వివాదాస్పద వ్యాఖ్యలు చేశారు. శ్రీలక్మి చూడటానికే అందంగా ఉంటుందని కానీ అన్నీ అక్రమాలకే పాల్పడిందన్న వ్యాఖ్యలు తీవ్ర దుమారం రేపాయి. ఆమెపై నారాయణ చేసిన వ్యాఖ్యలపై ఐఏఎస్ లు ఆగ్రహం వ్యక్తం చేశారు. అయితే ఆ తర్వాత ఆయన శ్రీలక్ష్మికి క్షమాపణలు చెప్పారు. తాజాగా గీతా రెడ్డిపై వివాదాస్పద వ్యాఖ్యలు చేసి ఆమెకు క్షమాపణలు చెప్పారు.

English summary

CPI Narayana told apology to minister Geetha Reddy.