నేలమాళిగ ఉందని నిర్ధారించిన నిపుణులు, తవ్వకాలు

హైదరాబాద్: హైదరాబాదులోని విద్యారణ్య పాఠశాల ఆవరణలో నౌబత్ పహాడ్ గుట్టలోపలి భాగంలో నిర్మాణాలు ఉన్నట్లు జాతీయ ఖనిజాభివృద్ధి సంస్థ (ఎన్ఎండీసీ) నిర్ధారించింది. దీనికి సంబంధించిన నివేదికను ఎన్ఎండీసీ చైర్మన్-మేనేజింగ్ డైరెక్టర్ నరేంద్ర కుమార్ నందా సోమవారం మధ్యాహ్నం పురావస్తు శాఖ సంచాలకుడు ప్రొఫెసర్ చెన్నారెడ్డికి అందజేశారు. ఈ నివేదికలోని అంశాలను చెన్నారెడ్డి రాష్ట్ర పురావస్తు శాఖ ముఖ్యకార్యదర్శి చందనా ఖాన్‌కు తెలియజేశారు. నేలమాళిగను తవ్వాలని పురావస్తు శాఖ నిర్ణయించింది.

ఈ నివేదిక ఆధారంగా తదుపరి చర్యలు తీసుకునేందుకు భారత పురావస్తు శాఖ, ఎన్ఎండీసీ, జాతీయ రిమోట్ సెన్సింగ్ ఏజెన్సీ, ఎన్‌జీఆర్ఐ తదితర శాఖల నిపుణులతో ప్రత్యేక కమిటీని ఏర్పాటు చే యనున్నట్టు చెన్నారెడ్డి తెలిపారు. స్కూలు పిల్లలకు ఇబ్బంది లేకుండా పరీక్షలు పూర్తయిన తర్వాత, వేసవి సెలవుల్లోనే తదుపరి చర్యలు తీసుకుంటామన్నారు. అన్వేషణ పనులకు పాఠశాల యాజమాన్యం పూర్తిస్థాయిలో సహకరిస్తున్నదని చెన్నారెడ్డి చెప్పారు. ఫిబ్రవరి 18వ తేదీన ఇక్కడ తవ్వకాలు ప్రారంభించారు. నేలమాళిగలో నిర్మాణం 20 అడుగుల లోతులో ఉందని నిపుణులు అంటున్నారు.

English summary

Technical studies carried out by PSU major National Mineral Development Corp (NMDC) in the premises of a school in Hyderabad over a reported 'treasure trove' revealed that a 'structure' indeed exists at a depth of about 20 feet.