బాబూమోహన్‌పై కోడిగుడ్ల దాడి, తెలంగాణ సెగ

By Pratap

Published: Monday, March 12, 2012, 13:23 [IST]

మహబాబ్‌నగర్: మాజీ సినీ నటుడు, తెలుగుదేశం పార్టీ నాయకుడు బాబూమోహన్‌కు తెలంగాణ సెగ తగిలింది. దీంతో ఆయన ఇబ్బంది పడాల్సి వచ్చింది. మహబూబ్‌నగర్ జిల్లా నాగర్‌ కర్నూలులో తమ పార్టీ అభ్యర్థి మర్రి జనార్దన్ రెడ్డి కోసం ఆయన ఆదివారం ప్రచారం చేపట్టారు. ఈ సందర్భంగా ఆయన కాన్వాయ్‌పై తెలంగాణవాదులు కోడిగుడ్లతో, రాళ్లతో దాడి చేశారు

బాబూ‌మోహన్ వాహనం ఆగి స్థలానికి వందలాది మంది తెలంగాణవాదులు చేరుకుని తెలుగుదేశం పార్టీ రెండు కళ్ల సిద్ధాంతానికి వ్యతిరేకంగా నినాదాలు చేశారు. ఆయన కాన్వాయ్‌పైకి కోడిగుడ్లు, రాళ్లు విసిరారు. ఈ సమయంలో తెలుగుదేశం కార్యకర్తలకు, తెలంగాణవాదులకు మధ్య ఘర్షణ చోటు చేసుకుంది. పోలీసులు ఇరు వర్గాలవారిని చెదరగొట్టడంతో పరిస్థితి సద్దుమణిగింది.

Published On March 12, 2012