ఏ వస్తువుల ధరలు పెరుగుతాయి? ఏవి తగ్గుతాయి?

హైదరాబాద్: 2012-13 బడ్జెట్‌ను కేంద్ర మంత్రి ప్రణబ్ ముఖర్జీ శుక్రవారం లోకసభలో ప్రవేశ పెట్టారు. ఇక అందరూ ఇప్పుడు ఏఏ వస్తువుల ధరలు పెరుగుతాయి, ఏఏ వస్తువుల ధరలు తగ్గుతాయి అనే అంశంపై చర్చించుకోవడం ప్రారంభించారు. ధరలు తగ్గే, పెరిగే అవకాశమున్న వస్తువులు... బంగారం, సిగరేట్లు, కాస్మోటిక్స్, లగ్జరీ కార్లు, జ్యూయలరీ, హోటల్ ఫుడ్, విమాన ఛార్జీలు, షాంపూ ధరలు, డిజిటల్ కెమెరాలు, వీడియో కెమెరాలు, టూత్ పేస్టు సెల్ ఫోన్ రీచార్జ్, సిమెంట్, స్టీల్, యూరియా, కొన్ని ఎలక్ట్రానిక్ గూడ్స్, ఫ్రిజ్‌లు, జ్యూయలరీ, రెడిమేడ్ వస్తువులు, ఎసి తదితరాల ధరలు పెరగనున్నాయి.

ఎల్‌సిడి, ఎల్‌ఇడి టివిలపై సుంకం తగ్గించడంతో వాటి ధరలు తగ్గించే అవకాశముంది. వీటితో పాటు అగ్గిపెట్టెలు, సోయా ఉత్పత్తులు, మందులు, సర్జికల్ ఐటెమ్స్, సోలార్ ల్యాంప్స్, మొబైల్ ఫోన్లు, ఉప్పు, సినిమా ఫిల్ము, ఎల్‌పిజి, హౌసింగ్ సొసైటీ, క్రీడా వస్తువులు, ఆహార ధాన్యాలు, కళ్లద్దాలు, లెదర్ గూడ్స్, బొమ్మలు తదితరాల ధరలు తగ్గనున్నాయి. దేశీయ సైకిళ్లను ప్రోత్సహించేందుకు దిగుమతి సైకిళ్లు, సైకిళ్ల విడిభాగాలపై 30 శాతం సుంకం విధించారు.

కాగా ప్రణబ్ ముఖర్జీ ప్రవేశ పెట్టిన బడ్జెట్‌పై ఏఐసిసి ప్రధాన కార్యదర్శి రాహుల్ గాంధీ ప్రశంసలు కురిపించారు. ఇది సామాన్యుల బడ్జెట్ అన్నారు. మంచి బడ్జెట్ అని కితాబు ఇచ్చారు. బడ్జెట్ పైన తెలుగుదేశం పార్టీ పెదవి విరిచింది. పేద, ధనిక, మధ్య తరగతి వర్గాల మధ్య వ్యత్యాసం తగ్గించేందుకు అనుకూలంగా బడ్జెట్ లేదని విమర్శించారు.

English summary

Shampoo rates will hike.