• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఉప పోరు షాక్: వ్యూహరచనలో జగన్, కిరణ్, బాబు

By Srinivas
|

Chandrababu Naidu - Kiran Kumar Reddy - YS Jagan
హైదరాబాద్: ఇటీవల రాష్ట్రంలో జరిగిన ఏడు నియోజకవర్గాలలో జరిగిన ఉప ఎన్నికల్లో షాక్ తగలడంతో కాంగ్రెసు, తెలుగుదేశం పార్టీలు మరికొద్ది రోజుల్లో వచ్చే ఉప ఎన్నికల కోసం ఇప్పటి నుండే సంసిద్ధమవుతున్నాయి. శ్రీ పొట్టి శ్రీరాములు నెల్లూరు జిల్లాలోని కొవురుతో పాటు తెలంగాణలోని ఆరు నియోజకవర్గాలలో జరిగిన ఉప ఎన్నికల ఫలితాలు బుధవారం తెలిసిన విషయం తెలిసిందే. ప్రధాన పార్టీలైన కాంగ్రెసు, టిడిపిలు ఈ ఎన్నికల్లో చతికిల పడ్డాయి. అవి రెండు, మూడు, నాలుగో స్థానాలకు పరిమితమయ్యాయి. ఈ దెబ్బతో ఆ పార్టీలు వచ్చే ఉప ఎన్నికలకు ముందుగానే మేలుకొంటున్నాయి. వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం నేతల రాజీనామాతో పదహేడు నియోజకవర్గాలు ఖాళీ అయ్యాయి.

మరోవైపు చిరంజీవిని రాజ్యసభకు పంపించడంతో తిరుపతి స్థానం ఖాళీ కానుంది. ఆ స్థానాలపై ఆ పార్టీలు దృష్టి సారించాయి. ఈ ఉప ఎన్నికలలో పోయిన పరువును ఆ ఎన్నికల ద్వారా పొందాలని ఆ పార్టీలు భావిస్తున్నాయి. అందుకోసం అవి కసరత్తు చేస్తున్నాయి. అభ్యర్థులను ప్రకటించడం నుండి మొదలు ప్రచారం, నాయకుల మధ్య సమన్వయం తదితరాలకు ఇప్పటి నుండే సిద్ధమౌతున్నాయి. ఎన్నికల సంఘం ఎప్పుడు గ్రీన్ సిగ్నల్ ఇచ్చినా సిద్ధంగా ఉండాలని భావిస్తున్నాయి. అప్పుడే గెలిచే అవకాశాలు ఉంటాయని లేదంటే అప్పటికప్పుడు హడావుడిగా చేసుకుంటూ పోతే మళ్లీ ఈ ఫలితాలే పునరావృతమౌతాయనే అభిప్రాయపడుతున్నారట.

మరోవైపు జగన్ కూడా 18 స్థానాల ఎన్నికలపై దృష్టి సారించినట్లుగా కనిపిస్తోంది. కొవూరులో నల్లపురెడ్డి ప్రసన్న కుమార్ రెడ్డి గెలిచినప్పటికీ అనుకున్న మెజార్టీ రాలేదు. భారీ మెజార్టీ వస్తుందని భావించిన జగన్‌కు వోటర్లు పెద్ద షాక్ ఇచ్చారు. సానుభూతి బాగా కలిసి వచ్చి టిడిపి, కాంగ్రెసులకు డిపాజిట్లు కూడా దక్కయని ఆ పార్టీ నేతలు భావించారు. కానీ వారి ఆశలు నెరవేరలేదు. కేవలం 23వేలకు పై చిలుకు ఓట్లతో నల్లపురెడ్డి బయటపడ్డారు. దీంతో త్వరలో జరగనున్న ఎన్నికల్లో అన్ని నియోజకవర్గాల్లో భారీ మెజార్టీ సాధించేందుకు జగన్ ఇప్పటి నుండే వ్యూహాలు రచిస్తున్నారట.

English summary
CM Kiran Kumar Reddy, TDP chief Chandrababu Naidu and YSR Congress Party chief YS Jaganmohan Reddy chalked out a strategy for next bypolls.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X