తిరుపతిలో 'మహా' ఎమ్మెల్యే రచ్చ, లడ్డూలకోసం దాడి!

తిరుపతి: పవిత్ర పుణ్యక్షేత్రం తిరుమల శ్రీ వేంకటేశ్వర స్వామి ఆలయ ప్రాంగణంలో ఓ మహారాష్ట్ర శాసనసభ్యుడు రచ్చ రచ్చ చేశారు. తిరుమల తిరుపతి దేవస్థానం జెఇవో రాంబాబుపై చేయి చేసుకున్నాడు. మహారాష్ట్రకు చెందిన ఎమ్మెల్యే తిరుమల శ్రీ వేంకటేశ్వర స్వామిని దర్శించుకునేందుకు ఆదివారం తిరుపతి వచ్చాడు. తనకు అడిగినన్ని లడ్డూలు ఇవ్వలేదని ఆరోపిస్తూ టిటిడి అధికారులతో గొడవకు దిగారు. జెఇవోపై చేయి చేసుకున్నారు. ఎమ్మెల్యే తీరుపై టిటిడి సిబ్బంది మండిపడ్డారు. లడ్డూలు ఇవ్వలేదని ఆరోపిస్తూ దాడి చేయడమేమిటని ప్రశ్నించారు. సిబ్బంది ఫిర్యాదు మేరకు పోలీసులు కేసు నమోదు చేసుకున్నారు. తిరుమల టూటౌన్ పోలీసు స్టేషన్‌లో కేసు నమోదైంది. దాడికి పాల్పడిన ఎమ్మెల్యే జగన్నాథం అని తెలుస్తోంది.

కాగా తిరుమలలో రద్దీ ఆదివారం కూడా కొనసాగుతోంది. భక్తులు 31 కంపార్టుమెంటులలో వేచి ఉన్నారు. సాధారణ భక్తుల దర్శనానికి ఇరవై గంటల సమయం పడుతోంది. ప్రత్యేక దర్శనానికి సుమారు ఎనిమిది గంటలు పడుతోంది. తెలుగు కొత్త సంవత్సరం సందర్భంగా మూడు రోజులుగా భారీగా భక్తులు శ్రీ వేంకటేశ్వర స్వామిని దర్శించుకుంటున్నారు.

English summary

A Maharashtra MLA attacked on TTD employee at Tirumala today.