• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

లక్ష్మిపార్వతి బాబు గుట్టు విప్పుతారు: జగన్ పార్టీ నేత

By Pratap
|

Vasireddy Padma
హైదరాబాద్: విదేశాల్లో తెలుగుదేశం పార్టీ అధ్యక్షుడు నారా చంద్రబాబు నాయుడి కుమారుడు, కోడలు ఏం చేస్తున్నారని వైయస్ జగన్ నాయకత్వంలోని వైయస్సార్ కాంగ్రెసు పార్టీ నేత వాసిరెడ్డి పద్మ ప్రశ్నించారు. చంద్రబాబు కుటుంబ సభ్యుల పాస్‌పోర్టులు పరిశీలిస్తే అన్ని విషయాలూ బయటపడతాయని ఆమె మంగళవారం మీడియా ప్రతినిధుల సమావేశంలో అన్నారు. చంద్రబాబు అధికారంలో ఉన్నప్పుడు అడ్డగోలుగా భూములు కేటాయించారని ఆమె ఆరోపించారు. ఎమ్మార్ ప్రాపర్టీస్ కుంభకోణం చంద్రబాబు చలువేనని ఆమె దుమ్మెత్తిపోశారు. అయినా సిబిఐ చంద్రబాబును ఫోన్‌లో కూడా విచారించలేదని అంటూ సిబిని చంద్రబాబు ఎలా మేనేజ్ చేశారని అడిగారు.

చంద్రబాబు అవినీతిపై వచ్చినన్ని పుస్తకాలు మరెవరిపై రాలేదని ఆమె చెప్పారు. అటువంటి చంద్రబాబు అవినీతి గురించి మాట్లాడుతుంటే నవ్వుతున్నారని, లక్ష్మిపార్వతిని అడిగితే చంద్రబాబు అవినీతి మొత్తాన్ని చెప్తారని ఆమె అన్నారు. హెరిటేజ్ కోసం చిత్తూరు డెయిరీనీ చంద్రబాబు నాశనం చేశారని ఆమె ఆరోపించారు. హెరిటేజ్ ఇష్యూ ఎంత బోగసో అందరికీ తెలుసునని ఆమె అన్నారు. చంద్రబాబు వ్యాపారం విషవృక్షంలా విస్తరించిందని ఆమె వ్యాఖ్యానించారు.

రాజ్యసభ సభ్యుల ఎంపికతోనే చంద్రబాబు బండారం బయటపడిందని ఆమె అన్నారు. నీతిపరుడైతే తమ పార్టీ గౌరవాధ్యక్షురాలు వైయస్ విజయమ్మ దాఖలు చేసిన పిటిషన్‌పై విచారణకు ఎందుకు సిద్ధపడలేదని ఆమె చంద్రబాబును ప్రశ్నించారు. 2004 ఎన్నికల్లో పంచిన వేల కోట్ల రూపాయలు ఎక్కడివని ఆమె అడిగారు. విదేశాల నుంచి చంద్రబాబుకు వందల కోట్ల రూపాయలు వచ్చాయని ఆమె ఆరోపించారు. తన ఆర్థిక నేరాలు బయటకు రాకుండా చంద్రబాబు రాష్ట్రంలోని కాంగ్రెసు నాయకులనే కాకుండా కేంద్రంలోని నేతలను కూడా మేనేజ్ చేస్తున్నారని ఆమె ఆరోపించారు. చంద్రబాబు కేంద్ర మంత్రి చిదంబరాన్ని కలిసిన విషయం అందరికీ తెలుసునని పదమ్మ అన్నారు.

English summary
YSR Congress leader Vasireddy Padma said that Laxmiparvathi will disclose TDP president N Chandrababu Naidu's corruption details.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X