• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబుతో సమరం: అమీతుమీకే హరికృష్ణ రెడీ?

By Pratap
|

Harikrishna-Chandrababu Naidu
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడితో అమీతుమీకే పార్టీ రాజ్యసభ సభ్యుడు నందమూరి హరికృష్ణ సిద్దపడినట్లు అర్థమవుతోంది. చంద్రబాబుపై దాడిని ఆయన గురువారం సాయంత్రానికి మరింత పెంచడాన్ని బట్టి ఆ విధంగా అనుకోవాల్సి వస్తోందని అంటున్నారు. వారసత్వాన్ని హరికృష్ణ మళ్లీ ముందుకు తేవడం కూడా అందులో భాగమేనని అంటున్నారు. కుటుంబం వేరు, పార్టీ వేరని చంద్రబాబు అనడంపై హరికృష్ణ మండిపడ్డారు. పార్టీ, నందమూరి కుటుంబం వేర్వేరు కాదని ఆయన చంద్రబాబుకు వ్యాఖ్యకు జవాబిచ్చారు. అంతేకాకుండా, పార్టీ అధ్యక్షుడిగా చంద్రబాబును నందమూరి కుటుంబమే నిలబెట్టిందని ఆయన అన్నారు. దీన్ని బట్టి తాము లేకుండా చంద్రబాబు పార్టీ అధ్యక్షుడిగా లేడనే విషయాన్ని ఆయన గుర్తు చేశారని అంటున్నారు.

చంద్రబాబును పార్టీ అధ్యక్ష పదవి నుంచి దించాలనే ఆలోచన కూడా హరికృష్ణకు ఉందా అనే అనుమానాలు కలుగుతున్నాయని అంటున్నారు. చంద్రబాబు చేతి నుంచి పార్టీ పగ్గాలను తీసుకోవడానికి ఆయన ప్రయత్నిస్తున్నారనే మాట కూడా వినిపిస్తోంది. పార్టీ అధ్యక్షుడిని మార్చే డిమాండ్ ప్రజల నుంచి రావాలని అనడం ఆ విషయాన్ని తెలియజేస్తోందని అంటున్నారు. చంద్రబాబు జాతీయ రాజకీయాలకు వెళ్లే సాకుతో పార్టీ అధ్యక్ష పదవి నుంచి తప్పుకోవాలనే సూచన కూడా ఆయన చేసినట్లు చెబుతున్నారు.

జూనియర్ ఎన్టీఆర్‌ను నందమూరి హరికృష్ణ పూర్తిగా వెనకేసుకొచ్చారు. పార్టీ కోసం తన బిడ్డ జూనియర్ ఎన్టీఆర్ ప్రాణత్యాగానికి కూడా సిద్దపడ్డాడని ఆయన అన్నారు. మొత్తం మీద, తెలుగుదేశం పార్టీలో వారసత్వ పోరు మరో మారు తీవ్ర స్థాయికి చేరుకుంది. జూనియర్ ఎన్టీఆర్ దమ్ము సినిమా ఆడియో విడుదల రోజును, పార్టీ ఆవిర్భావ దినాన్ని చంద్రబాబుపై దాడికి హరికృష్ణ ఎంచుకోవడం విశేషం.

English summary
According to political analysts - Rajayasabha member Harikrishna is prepared to fight with TDP President N Chandrababu till the end.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X