వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

ఇంటర్‌నెట్‌లో మహిళ మార్ఫ్‌డ్ ఫొటోలు, టెక్కీ అరెస్టు

By Pratap
|
Google Oneindia TeluguNews

Engineer held for Harassing colleague
హైదరాబాద్: తమ మాజీ మహిళా సహోద్యోగి మార్ఫ్‌డ్ ఫొటోలను ఇంటర్నె‌ట్‌లో అప్‌లోడ్ చేస్తూ వేధిస్తున్న ఓ సాఫ్ట్‌వేర్ ఉద్యోగిని సిఐడి అధికారులు అరెస్టు చేశారు. ఆ సాఫ్ట్‌వేర్ ఇంజనీర్ బెంగళూర్‌లోని ఓ సంస్థలో పని చేస్తున్నాడు. బెంగళూర్‌లోని ఐటి కంపెనీలో పని చేస్తున్న నాగ వంశీకృష్ణ అనే 24 ఏళ్ల సాఫ్ట్‌వేర్ ఇంజనీర్ ఓ మహిళను పెళ్లి ప్రతిపాదనను నిరాకరించిందనే అక్కసుతో వేధిస్తూ వస్తున్నాడని సిఐడి అధికారులు చెప్పారు.

వేధింపులు భరించలేక ఆమె ఉద్యోగం వదిలేసి, మరో సంస్థలో చేరింది. దాంతో వంశీ ఆగిపోలేదు. అతను కూడా ఆమె చేరిన సంస్థలోనే చేరి వేధించడం ప్రారంభించాడు. మహిళపై కక్ష పెంచుకున్న సాఫ్ట్‌వేర్ ఇంజనీర్ ఆమె ఇమెయిల్‌ను హ్యాక్ చేశాడు.

ఆమె పేరు మీద ఓ ఇ- మెయిల్ ఐడి కూడా క్రియేట్ చేశాడు. ఈ మెయిల్ ద్వారా ఆమె బంధువులకు, మిత్రులకు అసభ్యకరమైన మెయిల్స్, మార్ఫ్‌డ్ ఫోటోలు పంపుతూ వస్తున్నాడు. ఆమె బాగా తెలిసి ఉండడంతో వంశీకి ఆమె సెక్యూరిటీ కోడ్‌ను ఛేదించి, ఇ - మెయిల్‌ను హ్యాక్ చేయడం సులభమైంది.

కర్నూలుకు చెందిన వంశీని సిఐడి పోలీసులు శుక్రవారం అరెస్టు చేశారు. నేరం చేయడానికి వాడిన ల్యాప్‌టాప్‌ను, ఇంటర్నెట్ డేటా కార్డును, సెల్‌ఫోన్‌ను పోలీసులు స్వాధీనం చేసుకున్నారు.

English summary
A software engineer from Bangalore was arrested by CID sleuths on Friday on the charge of harassing his former colleague by uploading her morphed images on the internet.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X