• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ విజయమ్మ సవాల్ స్వీకరిస్తారా: బాబుకు గట్టు

By Srinivas
|

Gattu Ramachandra Rao
హైదరాబాద్: తమ పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ చేసిన సవాల్‌ను తెలుగుదేశం పార్టీ అధినేత నారా చంద్రబాబు నాయుడు స్వీకరిస్తారా అని వైయస్సార్ కాంగ్రెసు పార్టీ అధికార ప్రతినిధి గట్టు రామచంద్ర రావు ఆదివారం అన్నారు. ఆయన పార్టీ కేంద్ర కార్యాలయంలో మీడియాతో మాట్లాడారు. బిసిలపై చంద్రబాబు మొసలి కన్నీరు కారుస్తున్నారని గట్టు ఆగ్రహం వ్యక్తం చేశారు. ఆ వర్గాలను మరోసారి మోసం చేసేందుకు ఆయన ప్రయత్నిస్తున్నారన్నారు.

కులవృత్తులను నిర్వీర్యం చేసింది చంద్రబాబే అని ఆరోపించారు. బిసిలపై ప్రేమ ఉంటే చంద్రబాబు మాటల్లో కాకుండా చేతల్లో చూపించాలని హితవు పలికారు. బాబుకు దమ్ముంటే వైయస్ విజయమ్మ చేసిన ప్రతిపాదనకు స్పందించాలన్నారు. బిసిలు చంద్రబాబును నమ్మే పరిస్థితుల్లో లేరన్నారు. రాజకీయ పబ్బం గడుపుకునేందుకు తెలుగుదేశం పార్టీ బిసిలకు వంద సీట్లు అంటూ ప్రకటన చేసిందని ఆయన విమర్శించారు. అయితే బాబు మాటలను వారు నమ్మడం లేదన్నారు.

గత సాధారణ ఎన్నికలలో బిసిలకు వంద సీట్లు ఇస్తామని ప్రకటించిన చంద్రబాబు ఇవ్వలేక పోయారన్నారు. అప్పుడు ఇవ్వకుండా మళ్లీ ఇప్పుడు ఇస్తానని చెబితే ఎలా అన్నారు. అంటే మరోసారి ఆ వర్గాలను మోసం చేసే ఎత్తుగడ అన్నారు. కాగా చంద్రబాబు నాయుడుకు వైయస్ విజయమ్మ ఆదివారం ఓ బహిరంగ లేఖ రాసిన విషయం తెలిసిందే. ఇందులో ఆమె బిసిలకు వంద సీట్లు ఇచ్చే అంశంపై బాబుకు సవాల్ విసిరారు. వచ్చే సాధారణ ఎన్నికలలో తెలుగుదేశం పార్టీ మాత్రమే బిసిలకు వంద సీట్లు ఇవ్వడం కాదని, తాము కూడా ఇస్తామని విజయమ్మ తన లేఖలో పేర్కొన్నారు.

తెలుగుదేశం పార్టీతో పాటు తమ పార్టీ కూడా బిసిలకు వంద సీట్లు కేటాయిస్తే మిగిలిన పార్టీలు కూడా అలా ఇవ్వక తప్పని పరిస్థితి ఏర్పడుతుందన్నారు. బిసిలకు వంద టిక్కెట్లు ఇవ్వడం కాదని, వారిని వంద సీట్లలో గెలిపించాలని ఈ తన సవాల్‌ను చంద్రబాబు స్వీకరిస్తారా అన్నారు. బిసిలకు వంద టిక్కెట్లు ఇద్దామని చెప్పి ఎస్సీ, ఎస్టీ, మైనార్టీల నియోజకవర్గాలలో వారిని పక్కకు పెట్టవద్దని బాబుకు ఆ లేఖలో సూచించారు. బిసిల నియోజకవర్గాలలో ఎవరూ పోటీ చేయకూడదని ప్రతిపాదించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
YSR Congress party spokes person Gattu Ramachandra Rao has questioned Telugudesam Party chief Nara Chandrababu Naidu about YS Vijayamma challenge on BC reservations.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more