• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కక్ష సాధింపు లేదు: ఫీజు రీయింబర్సుమెంట్స్‌పై కిరణ్

By Srinivas
|

Kiran Kumar Reddy
హైదరాబాద్: ఫీజు రీయింబర్సుమెంట్సు పైన ముఖ్యమంత్రి కిరణ్ కుమార్ రెడ్డి గురువారం వివరణ ఇచ్చారు. రాష్ట్రంలో 85 కళాశాలలు మినహా మిగిలిన కాలేజీలలో రూ.35 వేలు ఫీజు ఉందని చెప్పారు. 85 కళాశాలల్లో వివిధ రకాల ఫీజులు ఉన్నాయని, సదరు కాలేజీలలో చదివే ఎస్సీ, ఎస్టీ, బిసి విద్యార్థులకు పూర్తి ఫీజును ప్రభుత్వమే భరిస్తుందని చెప్పారు. ఈ కళాశాలల్లో ఫీజును రూ.52 వేల నుండి లక్ష వరకు వసూలు చేస్తున్నారని, ఇదే ప్రధాన సమస్య అన్నారు.

ఈ సంవత్సరం నుండి స్కాలర్ షిప్స్, ఫీజులను వేరు చేస్తున్నట్లు చెప్పారు. కోర్టు తీర్పుకు అనుగుణంగా విధానాల్లో మార్పు చేశామని తెలిపారు. మేనేజ్‌మెంట్ కోటా సీట్లు మెరిట్ ప్రకారమే కేటాయించాలని ముఖ్యమంత్రి సూచించారు. కాలేజీలలో మౌలికా సదుపాయాలను టాస్క్ ఫోర్స్ పరిశీలిస్తుందని చెప్పారు. నిబంధనల మేరకు క్వాలిఫైడ్ స్టాఫ్ ఖచ్చితంగా ఉండాలన్నారు. విద్యార్థుల అటెండెన్స్, ప్రతిభ సమాచారం ఆన్‌లైన్‌లో పొందుపర్చాలన్నారు.

ఫీజు అంశాన్ని నిపుణులే కాకుండా కేబినెట్ సబ్ కమిటీ కూడా పరిశీలిస్తోందన్నారు. అడ్మిషన్ల వివరాలు వెబ్ సైట్లో ఉంచాలని, విద్యార్థుల నుండి ఎలాంటి డొనేషన్లు వసూలు చేయరాదన్నారు. ప్రభుత్వానికి ఎవరి పైనా కక్ష సాధింపు లేదన్నారు. ప్రభుత్వ పాఠశాలల్లో చదువుకున్న వారికి, ఇంటర్‌ను ప్రభుత్వ ఖర్చుతో పూర్తి చేసిన వారికి, ఎంసెట్‌లో పదివేల లోపు ర్యాంకు వచ్చిన వారికి పూర్తి ఫీజును ప్రభుత్వమే చెల్లిస్తుందని చెప్పారు. కాలేజీలలో తనిఖీలు పూర్తయిన తర్వాత కూడా టాస్క్ ఫోర్సు రిపోర్టును కూడా తాము ఆన్ లైన్‌లో పెడతామని చెప్పారు.

మేనేజ్‌మెంట్ కోటా సీట్ల కోసం ప్రత్యేక వెబ్ సైట్ ఏర్పాటు చేయాలన్నారు. ఆ సీట్లను ఆన్ లైన్లోనే భర్తీ చేయాలని సూచించారు. అన్ని కళాశాలలు నిబంధనలు పాటించాల్సిందేనని, నిబంధల కోసమే తప్ప కక్ష సాధింపు కోసం టాస్క్ ఫోర్స్ కాదన్నారు. విద్యార్థుల ప్రవర్తనను పోస్టు కార్డు, ఎస్సెమ్మెస్‌ల ద్వారా తెలియజేయాలనేది నిబంధన అన్నారు. కాగా వివరణ ఇచ్చేముందు ముఖ్యమంత్రి ఇంజనీరింగ్ కళాశాలలపై ప్రజలకు వివరణ ఇవ్వాల్సిన అవసరముందని పేర్కొన్నారు.

English summary
PCC cheif Botsa Satyanarayana and other ministers participated in CM Kiran Kumar Reddy's Fee Reimbursements pressi meet.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X