వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

చొక్కాలు పట్టుకొని..: సభలో ఎస్పీ, బిఎస్పీ ఫైటింగ్ సీన్

By Srinivas
|
Google Oneindia TeluguNews

Parliament
న్యూఢిల్లీ: బొగ్గు కుంభకోణంపై ఇప్పటికే పన్నెండు రోజులుగా పార్లమెంటు ఉభయ సభలు అట్టుడుకుతుండగా బుధవారం రాజ్యసభలో సమాజ్‌వాది(ఎస్పీ), బహుజన్ సమాజ్‌వాది(బిఎస్పీ) పార్టీలు బాహాబాహీకి దిగాయి. ఎస్సీ, ఎస్టీ ప్రమోషన్ బిల్లు ప్రవేశ పెట్టేందుకు ప్రయత్నించడంతో ఈ ఫైటింగ్ సీన్ జరిగింది. ఉదయం రాజ్యసభలో ఎస్సీ, ఎస్టీ ప్రమోషన్ బిల్లు ప్రవేశ పెట్టారు. దీనిని ఎస్పీ తీవ్రంగా వ్యతిరేకించింది.

బిఎస్పీ ఎస్పీ వైఖరిని తప్పు పట్టింది. దీంతో ఇరు పార్టీల ఎంపీల మధ్య తీవ్ర వాగ్వాదం జరిగింది. ఓ సమయంలో ఒకరి చేతిలోని బిల్లు ప్రతులను మరొకరు లాక్కొని చించేసే ప్రయత్నాలు చేశారు. ఒకరి చొక్కాలు మరొకరు పట్టుకున్నారు. బాహాబాహీకి దిగారు. దీంతో రాజ్యసభలో ఫైటింగ్ సీన్ స్పష్టంగా కనిపించింది. దీంతో రాజ్యసభ చైర్మన్ సభను రెండు గంటల వరకు వాయిదా వేశారు.

బొగ్గు కుంభకోణంపై రగడ జరుగుతుండగా ఎస్సీ, ఎస్టీ ప్రమోషన్ బిల్లు ప్రవేశ పెట్టడాన్ని ఎస్పీ తీవ్రంగా ఖండించింది. బొగ్గు స్కాం 2జి కంటే పెద్దదని కాగ్ నివేదిక ఇచ్చిన నేపథ్యంలో దీనిపై చర్చించాలని విపక్షాలు పట్టుబడుతుండగా దాని నుండి తప్పించుకునేందుకే ప్రభుత్వం ఈ ప్రమోషన్ బిల్లును ప్రవేశ పెట్టే ప్రయత్నాలు చేస్తోందని మండిపడ్డారు.

బిఎస్పీ ఎంపీ అవతార్ సింగ్, ఎస్పీ ఎంపి నరేష్ అగర్వాల్ మధ్య తొలుత ఈ ప్రమోషన్ బిల్లు పైన వాగ్వాదం చోటు చేసుకుంది. అనంతరం ఇరుపార్టీల ప్రతినిధులు రణరంగాన్ని తలపించేలా చేశారు.

English summary
A scuffle on Wednesday broke out between BSP MP Avatar Singh and SP Naresh Aggarwal during the tabling of the SC, ST quota bill in Rajya Sabha.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X