• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్‌కు బుద్ధి చెప్తాం, డిపాజిట్లు దక్కలేదు కానీ: ఈటెల

By Srinivas
|
Etela Rajendar
హైదరాబాద్: దివంగత వైయస్ రాజశేఖర రెడ్డి హయాంలో రాష్ట్రంలో దోపిడీ రాజ్యం కొనసాగిందని తెలంగాణ రాష్ట్ర సమితి శాసనసభా పక్ష నేత ఈటెల రాజేందర్ శనివారం మండిపడ్డారు. తెలంగాణలో వైయస్సార్ కాంగ్రెసు పార్టీ వేళ్లూనుకుంటున్న నేపథ్యంలో తెరాస ఆ పార్టీ అధ్యక్షుడు వైయస్ జగన్మోహన్ రెడ్డిని లక్ష్యంగా చేసుకుంది. శనివారం ఈటెల మాట్లాడుతూ.. జగన్ స్వాతంత్ర పోరాటం చేసి జైలుకు వెళ్లాడా అని ప్రశ్నించారు. జగన్‌కు బుద్ధి చెప్పే రోజులొస్తాయన్నారు.

తెలంగాణలో మళ్లీ వైయస్ నాటి దోపిడీ రాజ్యం తీసుకు వస్తారా అని వైయస్సార్ కాంగ్రెసును ప్రశ్నించారు. ప్రజలందరికీ అరచేతిలో బెల్లం పెట్టి నాకించాలని చూస్తున్నారని ధ్వజమెత్తారు. వైయస్ పాలన గురించి ప్రజలందరికీ తెలుసన్నారు. ప్రతిపక్షంలో ఉన్నప్పుడు నిజాం సుగర్స్ పైన విచారణ జరిపిస్తానన్న వైయస్ ఆ తర్వాత అధికారంలోకి వచ్చాక నివేదికలను తొక్కిపెట్టారని ఆరోపించారు. వైయస్ 2004లో తెలంగాణ ఇస్తామని చెప్పారని, ఆ తర్వాత తెలంగాణను అడ్డుకున్నారన్నారు.

జగన్ ఎంపీగా ఉంటూ తెలంగాణకు వ్యతిరకంగా పార్లమెంటులో ప్లకార్డు పట్టుకున్నారని, తెలుగుదేశం పార్టీతో పాటు వైయస్సార్ కాంగ్రెసు కూడా తెలంగాణ వ్యతిరేక పార్టీ అన్నారు. అదో దోపిడీ పార్టీ అన్నారు. పన్నెండేళ్లుగా ప్రజల పక్షాన ఉన్న పార్టీ ఏదో తెలంగాణ ప్రజలకు తెలుసునన్నారు. తెరాసకు వంద సీట్లు కాదు వంద ఓట్లు కూడా రావని టిడిపి అధ్యక్షుడు నారా చంద్రబాబు నాయుడు అనడం విడ్డూరంగా ఉందన్నారు.

పడుకుందనుకున్న పార్టీని ప్రజలు ఆదరిస్తున్నారని, పరుగులు పెడుతున్న పార్టీని పాతాళానికి ప్రజలు తొక్కేశారన్నారు. తమ జోలికి టిడిపి నేతలు వస్తే ఖబర్దార్ అంటూ హెచ్చరించారు. ఉప ఎన్నికల్లో కనీస ఓట్లు కూడా దక్కించుకోలేని టిడిపి తమను అనడమేమిటన్నారు. 2009లో తమ సీట్లు పది ఉంటే ఇప్పుడు 20కి పెరిగిందని, టిడిపికి 2009లో 90 సీట్లు ఉంటే ఇప్పుడు ఎంతకు తగ్గుతుందో చూడాలన్నారు. ఓ వైపు బాబు పాదయాత్ర చేస్తుంటే ఆ పార్టీ ఎమ్మెల్యేలు ఇతర పార్టీల్లోకి వెళ్తున్నారన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary

 TRSLP Etela Rajendar lashed out at YSR Congress party cheif YS Jaganmohan Reddy and TD chief Nara Chandrababu Naidu.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more