• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్లాన్ క్రెడిట్ నాదే: డిఎల్, బొత్స కౌంటర్, చిరంజీవికీ..

By Pratap
|
DL Ravindra Reddy-Botsa Satyanarayana
హైదరాబాద్: ఎస్సీ, ఎస్టీ సబ్ ప్లాన్ తమ ఘనతేనని చెప్పుకుంటున్న నాయకులకు పిసిసి అధ్యక్షుడు బొత్స సత్యనారాయణ కౌంటర్ ఇచ్చారు. సబ్ ప్లాన్ క్రెడిట్ తనదేనని రాష్ట్ర ఆరోగ్య శాఖ మంత్రి డిఎల్ రవీంద్రా రెడ్డి చెప్పుకున్నారు. అదే సమయంలో తన ప్రజారాజ్యం పార్టీ విలీనం సందర్భంగా సోనియాకు తాను చేసిన సూచన ఫలితమే సబ్ ప్లాన్ అని కేంద్ర మంత్రి చిరంజీవి చెప్పుకున్నారు. ఈ వ్యాఖ్యలను బొత్స సత్యనారాయణ తిప్పికొట్టారు. ఎవరో ఒకరి వల్ల ఎస్సీ, ఎస్టీ సబ్ ప్లాన్ రాలేదని, ఆ ఘనత కాంగ్రెసు పార్టీదేనని ఆయన శనివారం మీడియాతో అన్నారు.

తాను నిరుడు ఫిబ్రవరిలో కాంగ్రెసు అధ్యక్షురాలు సోనియా గాంధీకి రాసిన లేఖ వల్లనే సబ్ ప్లాన్‌కు చట్టబద్దత కల్పించారని డిఎల్ రవీంద్రా రెడ్డి అన్నారు. తన లేఖ వల్లనే దాన్ని జాతీయ సలహా మండలి అంశాల్లో చేర్చారని, దానిపై కసరత్తు జరిగిన తర్వాత ఎస్సీ, ఎస్టీ సబ్ ప్లాన్‌కు చట్టబద్దత కల్పించారని ఆయన అన్నారు. కాంగ్రెసుకు దూరమవుతున్న దళితులను, గిరిజనులను తిరిగి రాబట్టుకునేందుకు ఆ సబ్ ప్లాన్ గురించి తాను లేఖలో రాశానని ఆయన చెప్పారు.

ఎస్సీ, ఎస్టీ సబ్ ప్లాన్‌కు చట్టబద్ధత ముఖ్యమంత్రి చొరవతో రాలేదని ఆయన అన్నారు. రచ్చబండ, ఇందిరమ్మ బాటల్లో వచ్చిన సూచనలతోనే సబ్ ప్లాన్‌ను రూపొందించామని ముఖ్యమంత్రి చెప్పుకోవడంలో నిజం లేదని ఆయన అన్నారు. మంత్రి ధర్మాన ప్రసాదరావు రాజీనామాపై నిర్ణయం తీసుకోవాల్సింది ముఖ్యమంత్రేనని దాన్ని మంత్రివర్గానికి రుద్దారని ఆయన అన్నారు. తాను తప్పుగా మాట్లాడలేదని ముఖ్యమంత్రే అన్నారని ఆయన గుర్తు చేశారు. ధర్మాన ప్రసాదరావు రాజీనామాపై గవర్నర్ తీసుకునే నిర్ణయంపై పరిణామాలు ఆధారపడి ఉంటాయని ఆయన అన్నారు.

ఎస్సీ, ఎస్టీ సబ్ ప్లాన్ క్రెడిట్ ఏ ఒక్కరి ఘనతో కాదని, కాంగ్రెసు పార్టీ ఛాంపియన్ అని పిసిసి అధ్యక్షుడు బొత్స సత్యనారాయణ అన్నారు. ఎస్సీ, ఎస్టీ సబ్ ప్లాన్ ద్వారా ముఖ్యమంత్రి కిరణ్ కుమార్ రెడ్డికి, ఉప ముఖ్యమంత్రి దామోదర రాజనర్సింహకు పార్టీ అధిష్టానం అద్భుతమైన అవకాశం ఇచ్చిందని ఆయన మీడియా ప్రతినిధులతో అన్నారు. సబ్ ప్లాన్‌పై మాట్లాడాల్సిన సమాచారాన్ని ఆయన పార్టీ పార్లమెంటు సభ్యులకు, శాసనసభ్యులకు ఇచ్చారు.

సోనియా గాంధీ సూచన మేరకే రాష్ట్రంలో కార్యక్రమాలు అమలు జరుగుతున్నాయని ఆయన చెప్పారు. ధర్మాన ప్రసాదరావు రాజీనామా వ్యవహారంపై మంత్రి డిఎల్ రవీంద్రా రెడ్డి తన అభిప్రాయాన్ని వ్యక్తం చేశారని, మంత్రివర్గ నిర్ణయాలపై అసమ్మతి వ్యక్తం చేసే హక్కు మంత్రులకు ఉంటుందని ఆయన అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Minister DL Ravindra Reddy has claimed credit of SC, ST sub plan. He said that he initiated the issue, writing letter to Congress president Sonia Gandhi. PCC president Botsa Satyanarayana rejected the claims of DL Ravindra Reddy and Chiranjeevi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more