• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సమాచారంఉంటే ఇవ్వండి: జగన్‌పై విజయమ్మకు బొత్స

By Srinivas
|
Botsa Satyanarayana
హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అక్రమాస్తుల కేసులో కాంగ్రెసు పార్టీ హస్తం ఉందని ఆ పార్టీ గౌరవాధ్యక్షురాలు వైయస్ విజయమ్మ అనవసరంగా కాంగ్రెసు పార్టీ పైన బురద జల్లే ప్రయత్నం చేస్తున్నారని ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ సోమవారం అన్నారు. అందుకు తగ్గ ఆధారాలు ఏమైనా ఉంటే విజయమ్మ ఇవ్వవచ్చని సూచించారు.

అంతేకాని అనవసరంగా ఆరోపణలు చేయడం సరికాదన్నారు. ఎస్సీ, ఎస్టీ సబ్ ప్లాన్ చట్టబద్దతకు సహకరించిన వారందరికీ కృతజ్ఞతలు అన్నారు. ప్రభుత్వం మంచి పని చేసిందన్నారు. ప్రధాన ప్రతిపక్షం తెలుగుదేశం, వైయస్సార్ కాంగ్రెసు పార్టీలకు ప్రజా సంక్షేమం పట్టడం లేదన్నారు. బిల్లు సమయంలో సభలో సభ్యుల సంఖ్య తక్కువగా ఉండటం చాలా బాధాకరమని బొత్స ఆవేదన వ్యక్తం చేశారు.

టిడిపి అధ్యక్షుడు నారా చంద్రబాబు నాయుడు వస్తున్నా మీకోసం, జగన్ సోదరి షర్మిల మరో ప్రజా ప్రస్థానం యాత్రలు అధికారం కోసమే అన్నారు. విద్యార్థులకు మెస్ ఛార్జీల పెంపును తాము ఆహ్వానిస్తున్నామన్నారు. మద్యం ధరల పెంపు అంశం తన దృష్టికి వచ్చిందని, ముఖ్యమంత్రి కిరణ్ కుమార్ రెడ్డికి వద్దని తాను చెబుతానని అన్నారు. సబ్ ప్లాన్ బిల్లు పైన ప్రధాన ప్రతిపక్షాలు సంకుచితంగా వ్యవహరించాయన్నారు.

కాంగ్రెసులో సమన్వయ లోపం ఉన్నందుకు బాధపడుతున్నానని చెప్పారు. బిల్లు ఆమోదం సందర్భంగా సభ్యుల సంఖ్య తక్కువగా ఉండటం బాధాకరమే అన్నారు. సబ్ ప్లాన్ బిల్లు ఏఐసిసి అధ్యక్షురాలు సోనియా గాంధీ, ప్రధానమంత్రి మన్మోహన్ సింగ్ ఆదేశాలతోనే ప్రవేశ పెట్టినట్లు చెప్పారు. బిల్లు సందర్భంగా టిడిపి, వైయస్సార్ కాంగ్రెసు పార్టీల వైఖరులు బహిర్గతం అయ్యాయని చెప్పారు.

జగన్ ఆస్తుల కేసులో ప్రస్తుతం సిబిఐ విచారణ జరుగుతోందని, దాంతో కాంగ్రెసు పార్టీకి ఎలాంటి సంబంధం లేదని, ఇప్పుడు జరుగుతున్న విచారణకు సహకరిస్తే చాలని విజయమ్మ వ్యాఖ్యలకు సమాధానంగా చెప్పారు. కోర్టు ఆదేశాలతోనే విచారణ జరుగుతోందన్నారు. సంక్షేమానికి మారు పేరు కాంగ్రెసు అన్నారు.

జగన్ కేసులో మంత్రులు కౌంటర్

కాగా జగన్ ఆస్తుల కేసు విషయంపై 26 జివోలకు సంబంధించిన అంశంలో మంత్రులు, అధికారులు కౌంటర్ దాఖలు చేశారు. ఐఏఎస్ అధికారిణి శ్రీలక్ష్మి రెండు వారాల సమయం కోరారు. విచారణ వాయిదా పడింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

హైదరాబాద్ యుద్ధ క్షేత్రం
ఓటర్లు
Electors
18,23,664
  • పురుషులు
    9,61,290
    పురుషులు
  • స్త్రీలు
    8,62,374
    స్త్రీలు
  • ట్రాన్స్ జెండర్లు
    N/A
    ట్రాన్స్ జెండర్లు

English summary
PCC chief Botsa Satyanarayana has challenged YSR Congress party honorary president YS Vijayamma on Monday.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more