• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

'తెలంగాణ వేడెక్కుతోంది: త్వరగా తేల్చేయకుంటే కష్టమే'

By Srinivas
|
Sonia Gandhi
న్యూఢిల్లీ: కాంగ్రెసు పార్టీకి ఎంతో ముఖ్యమైన ఆంధ్రప్రదేశ్‌లోని ప్రధాన సమస్య తెలంగాణను సాధ్యమైనంత త్వరగా పరిష్కరించాలనే భావనతో ఏఐసిసి అధ్యక్షురాలు సోనియా గాంధీ ఉన్నట్లుగా తెలుస్తోంది. కేంద్రమంత్రి, రాష్ట్ర పార్టీ వ్యవహారాల ఇంచార్జ్ గులాం నబీ ఆజాద్ తెలంగాణపై ప్రకటన మరో పదిరోజులు అటు ఇటు కావొచ్చునని ప్రకటించిన తర్వాత కూడా సోనియా పార్టీ ముఖ్య నేతలతో తెలంగాణపై తర్జన భర్జన పడుతున్నారు.

ఏం చేయాలా? అని ఆలోచిస్తున్నారు. ఆంధ్రప్రదేశ్ తమ పార్టీకి ముఖ్యమైనది. కాబట్టి ఈ సమస్యను ఎంత ఆలస్యం చేస్తే అంత నష్టం జరుగుతుందనే అభిప్రాయంతో అధ్యక్షురాలు ఉన్నట్లుగా తెలుస్తోంది. సమస్యను నాన్చితే ఇరు ప్రాంతాల్లో నష్టమేననే భావన ఆమెలో ఉన్నదని అంటున్నారు. అదే సమయంలో తెలంగాణకు సంబంధించి ప్రకటన చేసే ముందు కట్టుదిట్టమైన గట్టి చర్యలు తీసుకోవాలని కాంగ్రెస్ అధిష్ఠానం భావిస్తున్నట్లుగా తెలుస్తోంది.

సోనియా కోర్ కమిటీతో వరుసగా భేటీ అవుతూ తెలంగాణపై చర్చిస్తున్నారు. శనివారం ప్రధాని మన్మోహన్ సింగ్, సోనియా రాజకీయ సలహాదారు అహ్మద్ పటేల్, కేంద్ర మంత్రులు చిదంబరం, ఏకే ఆంటోనీ, సుశీల్ కుమార్ షిండేలు సమావేశానికి హాజరయ్యారు. కాంగ్రెస్ రాష్ట్ర వ్యవహారాల ఇన్‌చార్జి గులాంనబీ ఆజాద్ ప్రత్యేక ఆహ్వానితుడిగా పాల్గొన్నారు. వీరంతా భవిష్యత్ కార్యాచరణపై మేడమ్‌తో కీలక సమాలోచనలు జరిపారు.

ఉండవల్లి అరుణ్ కుమార్ ఆధ్వర్యంలో రాజమండ్రిలో జరిగిన జై ఆంధ్రప్రదేశ్ సమావేశంలో చర్చకు వచ్చినట్లుగా చెబుతున్నారు. రాష్ట్రంలో క్రమక్రమంగా మరోసారి ఘర్షణ వాతావరణం తీవ్రతరమవుతోందని, పార్టీలో పూర్తిస్థాయి విభజన కనిపిస్తోందని కోర్ కమిటీలో చర్చకు వచ్చిందని తెలుస్తోంది. ఆజాద్ ప్రకటన తర్వాత తెలంగాణలో వ్యక్తమైన మనోభావాలు, ప్రకటనలు కూడా సమావేశంలో చర్చకు వచ్చినట్లు తెలిసింది.

షిండే సోమవారం బంగ్లాదేశ్ వెళుతున్నందువల్ల ఆయన వెళ్లేలోపు ఒక ప్రకటన చేసే అవకాశాలపైనా సమావేశంలో చర్చించారట. ఈ నేపథ్యంలో షిండే సోమవారం ఒక ప్రకటన చేసినా పరిష్కార మార్గానికి పార్టీ వేగవంతంగా చర్యలు తీసుకుంటుందన్న సందేశం పంపేలా చూడాలని పార్టీ నేతలు భావించారు. బంగ్లాదేశ్‌లో రెండు రోజుల పర్యటన నుంచి షిండే తిరిగి వచ్చిన తర్వాత ఫిబ్రవరి మొదటి వారంలో ఒక స్పష్టత ఏర్పర్చే దిశగా చర్యలను ప్రారంభించాలని కూడా పార్టీ నేతలు భావిస్తున్నట్లుగా సమాచారం.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని sonia gandhi వార్తలుView All

English summary
Congress President Sonia Gandhi today held another round of consultations with senior leaders.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more