• search

తెలంగాణపై కేంద్రం ఇంకా చర్చిస్తోంది: మనీష్ తివారీ

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Manish Tiwary
    న్యూఢిల్లీ‌: తెలంగాణ అంశంపై కేంద్రం చర్చలు జరుపుతోందని కేంద్ర మంత్రి మనీష్ తివారీ చెప్పారు. తెలంగాణ అంశంపై సంయమనం పాటించాలని ఆయన కోరారు. తెలంగాణపై ఎన్సీపి చీఫ్, కేంద్ర మంత్రి శరద్ పవార్ చేసిన సూచనలను పరిగణనలోకి తీసుకుంటామని ఆయన గురువారం మీడియా ప్రతినిధులతో చెప్పారు. తెలంగాణ సమస్య పరిష్కారం దిశగానే చర్చలు జరుగుతున్నాయని ఆయన అన్నారు. లోక్‌పాల్‌పై కమిటీ సూచించిన 14 సవరణలకు ప్రభుత్వం ఆమోదం తెలిపిందని అన్నారు.

    తెలంగాణకు అనుకూలంగా వెంటనే నిర్ణయం తీసుకోవాలని కాంగ్రెసు తెలంగాణ ప్రాంత రాజ్యసభ సభ్యుడు వి హనుమంతరావు కేంద్ర హోం మంత్రి సుశీల్ కుమార్ షిండేను కోరారు. ఆయన గురువారంనాడు షిండేను కలిశారు. తెలంగాణలో ఆత్మహత్యలు జరుగుతున్నాయని, ఇప్పటి వరకు 800 మందికిపై యువకులు ఆత్మహత్య చేసుకున్నారని ఆయన చెప్పారు. తెలంగాణపై తక్షణమే నిర్ణయం తీసుకోవాల్సిన అవససరం ఉందని ఆయన అన్నారు.

    తెలంగాణపై ఆత్మహత్యలు చేసుకోవద్దని తెలంగాణ రాజకీయ జెఎసి చైర్మన్ కోదండరామ్ యువతను కోరారు. తెలంగాణ కోసం జరుగుతున్న ఆత్మహత్యలన్నీ ప్రభుత్వ హత్యలేనని ఆయన గురువారం హైదరాబాదులో వ్యాఖ్యానించారు. తెలంగాణపై ప్రభుత్వం నిర్ణయం తీసుకోకపోవడంతో ఇక తెలంగాణ రాదనే బెంగతో యువకులు ఆత్మహత్యలకు పాల్పడుతున్నారని ఆయన అన్నారు.

    తెలంగాణకు మద్దతు తెలిపిన శరద్ పవార్‌కు తెలంగాణ రాష్ట్ర సమితి (తెరాస) శాసనసభ్యుడు హరీష్ రావు కృతజ్ఞతలు తెలిపారు. శరద్ పవార్ సూచనమేరకైనా ప్రధాని మన్మోహన్ సింగ్ నిర్ణయం తీసుకోవాలని ఆయన గురువారం హైదరాబాదులో అన్నారు.

    English summary
    The union minister Manish Tiwary has said that Talks are going on Telangana issue in direction of taking a decision.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more