• search

ముషార్రఫ్ హద్దు దాటారు: ధైర్యానికి వికె సింగ్ ప్రశంస

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Pervez Musharraf-VK Singh
    ఇస్లామాబాద్/ న్యూఢిల్లీ: పాకిస్తాన్ దళాల దాడికి ముందే సరిహద్దులు దాటి భారత భూగంలోకి ప్రవేశించిన అప్పటి పాకిస్తాన్ ఆర్మీ చీఫ్ పర్వేజ్ ముషార్రఫ్ ధైర్యాన్ని మాజీ ఆర్మీ చీఫ్ వికె సింగ్ నుంచి ప్రశంసలు అందుకున్నారు. వికె సింగ్ 2010 నుంచి 2012 వరకు భారత సైన్యాలకు నేతృత్వం వహించారు. కార్గిల్ యుద్ధ సమయంలో 1999లో పాకిస్తాన్ బలగాలు సరిహద్దులు దాటి ముషార్రఫ్‌ను సురక్షితంగా వెనక్కి వెళ్లడాన్ని అనుమతించడంలో భారత్ తప్పు చేసిందని ఆయన అన్నారు.

    పాక్ దళాలు కార్గిల్‌లో దుస్సాహసానికి పాల్పడడానికి కొన్నివారాల ముందు అప్పటి ఆర్మీ చీఫ్ జనరల్ పర్వేజ్ ముషార్రఫ్ హెలికాప్టర్‌లో నియంత్రణరేఖను (ఎల్‌వోసీ) దాటి, భారత భూభాగంలో 11 కిలోమీటర్లు వచ్చి ఒక రాత్రి ఇక్కడ గడిపారు. ఈ విషయాన్ని ముషార్రఫ్ మాజీ సహచరుడొకరు ఇప్పుడు వెల్లడించారు. 1999 మార్చి 28న బ్రిగెడియర్ మసూద్ అస్లాంతో కలిసి నియంత్రణరేఖను దాటిన ముషార్రఫ్ జిక్రియా ముస్తకర్ అనే ప్రాంతంలో బస చేశారని, అక్కడ అప్పటికే కర్నల్ అమ్జద్ షబ్బీర్ నేతృత్వంలో పాకిస్థానీ దళాలున్నాయని పాక్ సైన్యంలోని మీడియా విభాగంలో సీనియర్ అధికారిగా పనిచేసిన కర్నల్ (రిటైర్డ్) అష్ఫక్ హుస్సేన్ తెలిపారు.

    బయటపడిన కార్గిల్ కథ' పేరుతో 2008లో రాసిన పుస్తకంలో ఆయనీ విషయాలు వెల్లడించారు. ఇవే విషయాలను గురువారం రాత్రి జరిగిన ఓ టీవీ కార్యక్రమంలో పునరుద్ఘాటించారు. 1998 డిసెంబర్ 18న పాక్ దళాలు నియంత్రణ రేఖ వద్ద భారత భూభాగంలోకి చొచ్చుకెళ్లాయని, అయితే అలా ఎందుకు వెళ్లాల్సివచ్చిందో వారికి కూడా తెలియదని అన్నారు. తర్వాత కొద్దికాలానికే భారీ సంఖ్యలో దళాలను నియంత్రణ రేఖ దాటి భారత భూభాగాన్ని ఆక్రమించుకోవాల్సిందిగా ఆదేశాలిచ్చారు.

    దాంతో పోటీలు పడి మరీ దళాలు వెళ్లాయి. వీరిని ఓ గొర్రెల కాపరి గుర్తించి భారత సైనికులకు సమాచారం ఇచ్చినట్లు హుస్సేన్ తెలిపారు. ముషార్రఫ్ వచ్చి వెళ్లి నెలరోజులు దాటిన తర్వాత భారత్ - పాకిస్థానీ దళాల మధ్య కాల్పులు జరిగాయని చెప్పారు. అయితే, ఇది విజయవంతమైందనే ముషార్రఫ్ వాదనలను ఆయన ఖండించారు. శత్రువుతో ముఖాముఖి తలపడేవరకే అది విజయమని వ్యాఖ్యానించారు. పాకిస్థాన్ కేవలం 270 మంది సైనికులనే పోగొట్టుకుందన్న వాదన కూడా తప్పని, దాదాపు వెయ్యిమందికి పైగా మరణించారని చెప్పారు. కార్గిల్ విషయమై విచారణ తప్పించుకోడానికే నవాజ్ షరీఫ్ సర్కారును ముషార్రఫ్ కూలదోశారని హుస్సేన్ అన్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Former Pakistan military ruler Gen Pervez Musharraf on Friday received praise for coming deep into Indian territory in Kargil in 1999 from former Army Chief Gen V K Singh, who said it showed the "courage" of a military commander. Singh, who headed the Indian Army from 2010 to 2012, said there were "mistakes" on the Indian side that allowed Pakistani troops to cross over into Indian territory and let Musharraf go back safely.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more