• search

జగన్ పార్టీ నేతను తోసేసిన హర్షకుమార్, ఘర్షణ

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
     YSRCP leader Rajababu attacked
    రాజమండ్రి: తూర్పు గోదావరి జిల్లా అమలాపురంలో జరిగిన మన గ్యాస్- మన హక్కు పేర నిర్వహించిన అఖిల పక్ష సదస్సులో మంగళవారం కాంగ్రెసు, వైయస్సార్ కాంగ్రెసు పార్టీ కార్యకర్తల మధ్య ఘర్షణ తలెత్తింది. ఈ సందర్భంగా అమలాపురం కాంగ్రెసు పార్టీ పార్లమెంటు సభ్యుడు హర్షకుమార్ వైయస్ జగన్ నాయకత్వంలోని వైయస్సార్ కాంగ్రెసు పార్టీ నాయకుడు శెట్టిబత్తుల రాజబాబును వేదికపై నుంచి కిందికి తోసేశారు.

    హర్షకుమార్‌తో పాటు ఆయన కుమారుడు, అనుచరులు కలిసి రాజబాబుపై దాడికి దిగారని వైయస్సార్ కాంగ్రెసు వర్గాలు ఆరోపిస్తున్నాయి. కెజి బేసిన్ పరిధిలో రిలయన్స్, జిఎన్‌పిసి వంటి చమురు సంస్థల వ్యవహారంపై హర్ష కుమార్ మన గ్యాస్ మన హక్కు పేరిట అమలాపురంలో క్షత్రియ కళ్యాణ మంటపంలో సదస్సు ఏర్పాటు చేశారు.

    ఈ సదస్సుకు శాసనసభ్యులు బండారు సత్యానంద రావు, తోట త్రిమూర్తులు, పాముల రాజేశ్వరీదేవి, ఎమ్మెల్సీలు కెవి సత్యనారాయణరాజు, రుద్రరాజు పద్మరాజు తదితరులు హాజరయ్యారు. సదస్సుకు హాజరైన రాజబాబు వేదికపై హర్షకుమార్‌ను నిలదీశారు. తొమ్మిదేళ్లు పార్లమెంటు సభ్యుడిగా ఉండి ఏం చేశారని, ఇన్నాళ్లు ఈ ఉద్యమం ఎందుకు చేయలేదని అడిగారు.

    రాజబాబు ప్రశ్నలతో కాంగ్రెసు వర్గాలు ఆగ్రహం చెందాయి. సభా వేదికపై నుంచి రాజబాబును కిందికి తోసేశారు. ఈ దాడిలో రాజబాబు చొక్కా చినిగిపోయింది. ముఖం, ఛాతీలపై గాయాలయ్యాయని వైయస్సార్ కాంగ్రెసు పార్టీ నాయకులు చెబుతున్నారు. ఎంపి హర్షకుమార్, ఆయన తనయుడు సుందరరాజ్, తదితరులపై వైయస్సార్ కాంగ్రెసు పార్టీ నాయకులు పోలీసులకు ఫిర్యాదు చేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    
 It is alleged that Congress Amalapuram MP Harshakumar has manhandled YSR Congress party leader Rajababu at Amalapuram of East Godavari district.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more