• search

బ్రదర్ అనిల్ సంగతేమిటి: అగస్టా స్కామ్‌పై టిడిపి ప్రశ్న

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Anil Kumar
    న్యూఢిల్లీ: అగస్టా హెలికాప్టర్ల కొనుగోలు కుంభకోణంలో దివంగత నేత వైయస్ రాజశేఖరరెడ్డి అల్లుడు బ్రదర్ అనిల్‌కుమార్ పాత్రపైనా విచారణ జరిపించాలని తెలుగుదేశం పార్టీ రాజ్యసభాపక్ష నాయకుడు టి. దేవేందర్‌గౌడ్, పార్లమెంటు సభ్యుడు సీఎం రమేశ్ డిమాండ్ చేశారు. అగస్టా కుంభకోణంపై బుధవారం రాజ్యసభలో జరిగిన చర్చలో వారు ప్రసంగించారు.

    దేశంలో ఏ కుంభకోణం వెలుగుచూసినా దాని మూ లాలు ఆంధ్రప్రదేశ్‌లో ఉంటున్నాయని సీఎం రమేశ్ విమర్శించారు. ఎమార్-ఎంజీఎఫ్ డైరెక్టర్ హష్కే ప్రారంభించిన ట్రస్టుకు వైయస్ రాజశేఖరరెడ్డి ప్రభుత్వం 800 ఎకరాల భూమిని ఉచితంగా కేటాయించిందని, ఆ ట్రస్టుకు వైఎస్ అల్లుడు బ్రదర్ అనిల్ కుమార్ ట్రస్టీగా ఉన్నారని వెల్లడించారు.

    దేశంలో అగస్టా హెలికాప్టర్‌ను ముందుగా కొనుగోలు చేసింది వైయస్ హయాంలోని ఆంధ్రప్రదేశ్ ప్రభుత్వమేనని, ఆ హెలికాప్టర్ ఈ మధ్యనే కాలిపోయిందని అంటూ ఈ వ్యవహారంపైనా సిబిఐ విచారణ జరిపించాలని డిమాండ్ చేశారు.

    వైయస్ హయాంలోనే ఈ కుంభకోణానికి అంకురార్పణ జరిగిందని దేవేందర్‌గౌడ్ ఆరోపించారు. అప్పుడు సభలో ఉన్న కాంగ్రెస్ సభ్యులు కెవిపి రామచంద్రరావు, ఎం.ఎ.ఖాన్ ఆయన వ్యాఖ్యలను ఖండించారు. అగస్టా హెలికాప్టర్ల కుంభకోణంపై విచారణను సంయుక్త పార్లమెంటరీ కమిటీ (జెపిసి)కి అప్పగిస్తూ ప్రభుత్వం నిర్ణయం తీసుకున్న విషయం తెలిసిందే.

    English summary
    Telugudesam party MPs Devender Goud and CM Ramesh have questioned the role of YS Rajasekhar Reddy's son-in-law brother Anil kumar's role in VVIP chopper deal scam.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more