• search

పడుకున్నోన్ని పడుకున్నట్లే అగాధం మింగేసింది

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Florida Man swallowed by Sinkhole under Bedroom
    ఫ్లోరిడా: అమెరికాలో ఓ వ్యక్తిని పడుకున్నోన్ని పడుకున్నట్లే ఓ అగాధం మింగేసింది. మంచం మీద పడుకున్న వ్యక్తి అకస్మాత్తుగా ఏర్పడ్డ అగాధం (సింక్‌హోల్)లోకి కూరుకుపోయాడు. ఈ సంఘటన అమెరికాలోని ఫ్లోరిడా రాష్ట్రం బ్రాండన్ పట్టణంలో జరిగింది. సంఘటన వివరాలను బాధితుడు జెఫ్ బుష్ (36) కుటుంబ సభ్యులు వివరించారు.

    రాత్రి జెఫ్ తన పడకగదిలో పడుకుని ఉన్నాడని, ఒక్కసారిగా ఇంట్లోకి అదో కారు దూసుకుని వచ్చినట్లు శబ్దం వచ్చిందని, ఇంతలో జెఫ్ ఆర్తనాదాలు వినిపించాయని వారు చెప్పారు. అతడిని కాపాడేందుకు తాము ఎంతో ప్రయత్నించామని, కానీ ఏమీ చేయలేకపోయానని, అతను ఏమయ్యాడో అంతు చిక్కలేదని, పరుపు ఒక్కటే కనిపించిందని జెఫ్ సోదరుడు జెరెమీ బుష్ చెప్పాడు.

    జెఫ్ పడుకున్న చోట దాదాపు వంద అడుగుల వ్యాసంలో ఓ అగాధం ఏర్పడింది. సహాయ బృందాలు వచ్చి అధునాతన పరికరాలతో జెఫ్ ఆచూకీ గుర్తించేందుకు ప్రయత్నించినా ఫలితం దక్కలేదు. అతడి ఆనవాళ్లు కూడా లభించలేదు. సహాయక కార్యక్రమాలు సాగిస్తుండగా భవనం కింద నేల మరింతగా క్రుంగిపోవడం ప్రారంభించిందని చెబుతున్నారు.

    ఈ ప్రమాదంలో జెఫ్ కుటుంబ సభ్యులెవరికీ హాని కలగలేదు. ముందు జాగ్రత్తగా చుట్టు పక్కల ఇళ్లలోని ప్రజలను అధికారులు ఖాళీ చేయించారు. భూమి పొరల్లో జరిగే మార్పుల కారమఁగా ఇలాంటి అగాధాలు హఠాత్తుగా ఏర్పడుతుంటాయని నిపుణులు అంటున్నారు. హారర్ మూవీలో లాగా సంఘటన చోటు చేసుకుంది.

    బుష్ పడకతో పాటు డ్రెసర్, టీవి సెట్ కూడా అగాధంలో కూరుకుపోయాయి. టీవీ నుంచి వేలాడుతున్న కేబుల్ వైర్ మాత్రం కనిపిస్తోంది.

    English summary
    In a matter of seconds, the earth opened under Jeff Bush's Florida bedroom and swallowed him up like something out of a horror movie. About the only thing left was the TV cable running down into the hole.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more