• search

వస్తున్నారా? రానంటే రాను: డికె అరుణ వర్సెస్ జానా

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    K Jana Reddy-DK Aruna
    హైదరాబాద్: పంచాయతీరాజ్ శాఖ మంత్రి జానా రెడ్డి, సమాచార శాఖ మంత్రి డికె అరుణ మధ్య విబేధాలు బుధవారం బయటపడ్డాయి! ఈ నెల 24వ తేదీన మహబూబ్ నగర్ జిల్లాలోని ఓ కార్యక్రమానికి డికె అరుణకు ఇప్పటి వరకు సమాచారం లేదట. దీనిపై ఈ రోజు జానా రెడ్డి ఆమెను అడిగడంతో ఆమె తీవ్ర అసంతృప్తికి గురయ్యారట. ఈ నెల 24న మహబూబ్ నగర్ జిల్లాలోని కల్వకుర్తి నియోజకవర్గంలో ఓ ప్రాజెక్టు శంకుస్థాపన జరగనుంది.

    ఈ కార్యక్రమానికి కేంద్రమంత్రి జైపాల్ రెడ్డి, రాష్ట్ర మంత్రి జానా రెడ్డిలు వస్తున్నారు. అయితే, ఈ విషయంపై డికె అరుణకు ఇప్పటి వరకు సమాచారం లేదట. ఈ రోజు లాబీల్లో కనిపించిన డికె అరుణతో జానా రెడ్డి.. శంకుస్థాపన కార్యక్రమానికి వస్తున్నారా అని ప్రశ్నించారట. దీంతో తీవ్ర అసంతృప్తికి లోనైన డికె అరుణ తాను రానని ఖరాఖండింగా చెప్పేసినట్లుగా సమాచారం.

    జిల్లాకు చెందిన మంత్రిని అయిన తనకు ఇప్పటి వరకు ఈ కార్యక్రమం గురించి తెలియక పోవడమేమిటని ఆమె జానాను ప్రశ్నించినట్లుగా చెబుతున్నారు. కార్యక్రమానికి నాలుగు రోజుల ముందు చెప్పడమేమిటని ఆమె ప్రశ్నించారట. దీంతో, మీకు వీలుగా ఉన్న మరో తేదీ చూపిస్తే అదే రోజు శంకుస్థాపన కార్యక్రమాన్ని పెట్టుకుందామని జానా రెడ్డి సూచించారట.

    అందుకు డికె అరుణ ససేమీరా అన్నట్లుగా తెలుస్తోంది. తనకు ఇప్పటి వరకు చెప్పలేదని, అలాంటప్పుడు తాను కార్యక్రమానికి వచ్చే ప్రసక్తి లేదని తేల్చి చెప్పారట. డికె అరుణకు చెప్పక పోవడంపై జిల్లాకు చెందిన ఆమె వర్గం నేతలు కూడా తీవ్ర అసంతృప్తితో ఉన్నారట.

    English summary
    It is said that the differences revealed out between Ministers Jana Reddy and DK Aruna on Wednesday.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more