• search

చర్చ సెక్స్‌పై కాదు: బాంబు పేలుళ్లపై పరిపూర్ణానంద

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Swami Paripoornananda
    కరీంనగర్: పార్లమెంటులో చర్చ జరగాల్సింది శృంగారంపై కాదని, దేశ రక్షణ, దేశ సౌఖ్యం పైన అని, ఇకనైనా పార్లమెంటు గౌరవాన్ని దిగజార్చకుండా అత్యున్నత చట్టసభల గౌరవాన్ని కాపాడాలని కాకినాడ శ్రీపీఠం అధిపతి స్వామి పరిపూర్ణానంద మంగళవారం సూచించారు. ధర్మ జాగరణ సమితి ఆధ్వర్యంలో మంగళవారం కరీంనగర్‌లో జరిగిన హిందూ శంఖారావానికి ఆయన హాజరయ్యారు. ఈ కార్యాక్రమం రాత్రి పది గంటల వరకు జరిగింది. ఈ సందర్భంగా ఆయన మాట్లాడారు.

    పార్లమెంట్‌లో ప్రస్తుతం శృంగార అర్హత, వయసుల గూర్చి చర్చిస్తున్నారని దేశ భద్రత, సంస్కృతి, జాతి గౌరవం గురించి మాట్లాడకపోవడం హాస్యాస్పదమన్నారు. హిందువులంతా ఒకే గొడుగు కిందికి వచ్చి భారత దేశ సంస్కృతి, సంప్రదాయాల పరిరక్షణకు కంకణబద్ధులు కావాలని పిలుపునిచ్చారు. అన్యమతస్థులు, మత చాందసులు హిందూ దేవతలను, సంస్కృతిని, ధర్మాన్ని కించపరుస్తున్నారని ఆవేదన వ్యక్తం చేశారు. హైందవ గురువులంతా ఐక్యంగా నిలిచి హిందూ ధర్మాన్ని ఒకే గొడుకు కిందకు తీసుకు రావాలన్నారు.

    లౌకికవాదం పేరుతో హిందూ ధర్మాన్ని అణగదొక్కితే సహించేది లేదన్నారు. చిన్న జీయర్ స్వామితో కలిసి ఉగాది నాడు శ్రీరామ భక్త తరంగిణి పేరుతో నూతన కార్యక్రమానికి శ్రీకారం చుడుతామని ఎనిమిది కోట్ల మంది హిందువులను ఒక్క తాటి పైకి తెస్తామని పరిపూర్ణానంద అన్నారు. సైకిల్ బాంబులతో జాతిని నిర్వేదం చేయడం సరికాదని దైవంతోనే జాతిని నిర్మించగలమన్నారు. మతాన్ని మతంగా నిలపాలని, దానిని రాజకీయ వ్యవస్థగా మార్చవద్దన్నారు.

    ఒంటి నిండా తుపాకీ గుళ్లతో ఉన్నప్పుడు వారిని కాపాడింది హిందూ ఆసుపత్రియేనని, హిందూ వైద్యులేనని, ప్రాణం తీయాలని చూసింది మాత్రం ఆయన వర్గీయులే అన్నారు. బాంబుల పేరుతో సమాజాన్ని అతలాకుతలం చేస్తున్నారని విమర్శఇంచారు. దిల్‌సుఖ్ నగర్ బాంబు పేలుళ్లలో అన్ని మతాల వారున్నారని, ఇక్కడ గుర్తించాల్సింది మతాన్ని కాదని, చనిపోయింది మనిషి అనే విషయాన్ని విస్మరించవద్దన్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Kakinada Sree Patham chief Swami Paripoornananda has responded on Dilsukhnagar bomb blasts a\nd Anti Rape bill.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more