• search

బొత్సది తప్పన్న చిరంజీవి: కెసిఆర్‌కు తలసాని సవాల్

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Chiranjeevi - Talasani Srinivas Yadav
    న్యూఢిల్లీ/హైదరాబాద్: విద్యుత్ ఛార్జీల పెంపును సమర్థించిన ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ, రాజ్యసభ సభ్యురాలు రేణుకా చౌదరిల వ్యాఖ్యలను కేంద్రమంత్రి చిరంజీవి బుధవారం తప్పు పట్టారు. విద్యుత్ ఛార్జీల పెంపు సబబే అని వారు చెప్పడం సరికాదన్నారు.

    పేదలపై భారం పడకుండా ఉండాలంటే విద్యుత్ ఛార్జీలను వెంటనే తగ్గించాలని ఆయన డిమాండ్ చేశారు. విద్యుత్ సమస్యను ప్రతిపక్షాలు రాజకీయం చేస్తున్నాయన్నారు. విద్యుత్ ఛార్జీల పెంపు ముఖ్యమంత్రి కిరణ్ కుమార్ రెడ్డి అసమర్థతేనా? అన్న ప్రశ్నకు చిరంజీవి సమాధానం దాటవేశారు.

    తాను ప్రజల తరఫున మాట్లాడుతున్నానని చెప్పారు. ఇలాంటి నిర్ణయాలు తీసుకునేటప్పుడు పార్టీ సమన్వయ కమిటీ, మంత్రివర్గంలో చర్చించాలని సూచించారు. విదేశీ పర్యాటకుల సంఖ్య తగ్గిందని మీడియాలో వస్తున్నా వార్తలు అవాస్తవమని చెప్పారు. జనవరి, ఫిబ్రవరిలో దేశంలో విదేశీ పర్యాటకుల సంఖ్య తగ్గలేదన్నారు.

    చిరు వ్యాఖ్యలపై బొత్స

    చిరంజీవి వ్యాఖ్యలను వక్రీకరించాల్సిన అవసరం లేదని బొత్స సత్యనారాయణ అన్నారు. విద్యుత్ ఛార్జీల పెంపుపై ఆందోళన వద్దన్నారు. విద్యుత్ సమస్యలపై వైయస్ రాజశేఖర రెడ్డి తనతో మాట్లాడినట్లుగా షర్మిల చెప్పడం విడ్డూరమన్నారు. ప్రజలపై భారం పడకుండా ప్రభుత్వం చూస్తుందన్నారు.

    కెసిఆర్‌కు తలసాని సవాల్

    తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావుకు తెలుగుదేశం పార్టీ సీనియర్ నేత, మాజీ మంత్రి తలసాని శ్రీనివాస్ యాదవ్ సవాల్ చేశారు. కెసిఆర్‌కు దమ్ముంటే సికింద్రాబాదు నుండి పోటీ చేయాలని సవాల్ చేశారు. ఇక్కడి నుండి ఓడిపోతే కెసిఆర్ రాజకీయ సన్యాసం తీసుకోవాలన్నారు. ఇకనైనా తెరాస టిడిపిపై విమర్శలు చేయడం మానుకోవాలని సూచించారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Central tourism minister Chiranjeevi expressed his unhappy over power charges hike in Andhra Pradesh. He condemned Botsa Satyanarayana and Renuke Choudhary comments.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more